موجتەبا خامنەیی ژمارەیەک فەرماندەی باڵای سەربازی دیاریکرد
پووختەی هەواڵەکە
- موجتەبا خامنەیی ڕێبەری باڵای ئێران بە چەند فەرمانێکی جیاواز گۆڕانکاریی لە پۆستە باڵاکانی سوپا و پاسداران کرد.
- گۆڕانکارییەکان پۆستی سوپاسالار، فەرماندەی سوپای پاسداران، فەرماندەی هێزی دەریایی، فەرماندەی بەسیج و جێگرەکانیان دەگرێتەوە.
- سەرجەم فەرماندە و بەرپرسە نوێیە دەستنیشانکراوەکان لە 10ی ئابی 2026 بە فەرمی لە پۆستەکانیاندا دەستبەکاربوون.
بەگوێرەی ئەو زانیاریانەی بە کەناڵ8 گەیشتوون، ئەوە ڕوون دەبێتەوە، کە موجتەبا خامنەیی ڕێبەری باڵای ئێران بە چەند فەرمانێکی جیاجیا، سوپاسالاری ئێران، فەرماندەی گشتیی سوپای پاسداران، فەرماندەی هێزی دەریایی، فەرماندەی بەسیج و جێگرەکانیانی دیاریکرد و پلەی هەندێکیشیانی بەرزکردەوە.
گرنگترین فەرمان و دامەزراندنە نوێیەکان
- عەلی عەبدولڵاهی فەرماندەی بارەگای خاتەمولئەنبیا وەک سوپاسالاری هێزە چەکدارەکانی ئێران دیاریکرا.
- عەمید کیومەرس حەیدەری بە فەرمانێکی جیاواز وەک جێگری سوپاسالاری ئێران دەستنیشانکرا.
- ئەحمەد وەحیدی پلەکەی بۆ لیوا بەرزکرایەوە و وەک فەرماندەی گشتیی سوپای پاسداران دیاریکرا.
- لیوا مستەفا ئێزیدی وەک یاریدەدەری فەرماندەی گشتیی سوپای پاسداران دەستبەکاربوو.
- عەمیدی دەریاوان عەلی عەزمائی وەک فەرماندەی هێزی دەریایی سوپای پاسداران دیاریکرا.
- حسێن تائیب وەک فەرماندەی ڕێکخراوی بەسیجی کۆماری ئیسلامیی ئێران دەستنیشانکرا.
پوختەیەک لەسەر ژیان و پێشینەی بەشێک لە فەرماندە نوێیەکان
عەلی عەبدوڵاهی
-لە 1959
-فەرماندەی قەرارگەی ناوەندی خاتەمولئەنبیا بووە
-جێگری سەرۆکئەرکانی گشتی هێزە چەکدارەکان بووە
-جێگری فەرماندەی هیزی ئاسمانی سوپای پاسداران بووە
-بەشداری لە جەنگی ئێران وعێراق کردووە
-پارێزگاری گیلان و سمنان بووە
10ی ئابی 2026 بە فەرمانی موجتەبا خامنەیی کرا بە سەرۆکئەرکانی گشتی هێزە چەکدارەکانی ئێران واتە سوپاسالاری هێزە چەکدارەکانی ئێران.
ئەحمەد وەحیدی
-1958 لە دایکبووە
-لە لیستی سزاکانی ئەمریکایە
-بەکالۆریۆس لە ئەندازیاری ئەلیکترۆنی
-دکتورا لە زانستە ستراتیجییەکان
-وەزیری ناوخۆ بووە
-وەزیری بەرگری بووە
-جێگری فەرماندەی گشتیی سوپای پاسداران بووە
- لە دوای کوژرانی محەممەد پاکپور لە یەکەم ڕۆکی هێرشەکانی ئەمریکا و ئیسرائیل لە 28ـی شوبات کوژرا، بە کاتی ئەحمەد وەحیدی وەک فەرماندەی سوپای پاسداران دیاریکرا و دوێنێ لە 10ی ئابی 2026 بە فەرمانی موجتەبا خامنەیی کرا بە فەرماندەی گشتی سوپای پاسداران.
عەلی عوزمایی
-فەرماندەی ناوچەی پێنجی دەریایی ئیمام باقربووە
-جێگری فەرماندەی ناوچەی یەکی دەریایی سوپای پاسداران بووە
-بەشداری لە جەنگی ئێران و عێراقدا کردووە
-لە لیستی سزاکانی ئەمریکادایە
10-ی ئابی 2026 بە فەرمانی موجتەبا خامنەیی کرا بە فەرماندەی هێزی دەریایی سوپای پاسدارانی ئێران
حسێن تائیب
-1963
--فەرماندەی سەربازی و بەرپرسی باڵای ئەمنی ئێرانە
-سەرۆکی هەواڵگری سوپای پاسداران بووە
-ڕاوێژکاری فەرماندەی گشتیی سوپای پاسداران بووە
-لە لیستی سزاکانی ئەمریکا و یەکێتیی ئەورووپایە
10ی ئابی 2026 لە لایەن موجتەبا خامنەیی وەک سەرۆکی ڕێکخراوی بەسیج دیاریکرا
زانیاریی زیاتر لەسەر بابەتەکە
لە هێرشە هاوبەشەکانی ئەمریکا و ئیسرائیل لە 28ی شوباتی 2026 بۆ سەر بنکە و بارەگای سەرکردایەتیی و فەرماندەییەکانی ئێران بەشێکی زۆر لەو فەرماندە پلە باڵاسەربازی و ئەمنییانەی ئێران کوژران. یەکێک لە کوژراوەکان عەلی خامنەیی ڕابەری باڵای کۆماری ئیسلامیی ئێران بوو. لەلایەن ئەنجوومەنی پسپۆرانی ڕابەرییەوە موجتەبا خامنەیی کوڕی عەلی خامنەیی بۆ ڕابەری نوێی ئێران هەڵبژێردرا و موجتەبا خامنەیی بۆ پڕکردنەوەی شوێنی ئەو فەرماندە باڵا سەربازی و ئەمنییانە، ئەو فەرمانانەی دەرکردووە و گۆڕانکاری لە پۆست و کارەکانیاندا کردووە.
زانیاریی زیاتر بۆ تۆ
ئێران دوای خامنەیی؛ نوێترین پەرەسەندنە سیاسی و سەربازییەکان
موجتەبا خامنەیی: جەنگمان ناوێت بەڵام سازش لە مافەکانی خۆمان ناکەین
دەرکەوتنی فەرماندەی سوپای پاسداران دوای چوار مانگ لە بێدەنگی بووە جیگەی سەرنجی میدیاکان
