ئۆجەلان: ئەو قسانەی بە ناوی منەوە بڵاوکراونەتەوە دوورن لە ڕاستییەوە
پووختەی هەواڵەکە:
- ئۆجەلان: هەوڵی هەندێک لایەن بۆ لەباربردنی پڕۆسەکە پیلانگێڕییە دژی من
- ئۆجەلان: ئەو قسانەی بە ناوی منەوە لە میدیا و سۆشیاڵ میدیا بڵاوکراونەتەوە دوورن لە ڕاستییەوە
- ئۆجەلان: بڵاوکردنەوەی ئەو دەنگۆیانە کاری نەیارانی پڕۆسەکەیە
- ئۆجەلان: هەوڵەکانم بۆ ئاشتیی کۆمەڵایەتی زیاتر پەرە پێدەدەم
- ئۆجەلان لە ڕێگەی پارتی دەمەوە پەیامێکی بڵاوکردەوە
- ئۆجەلان: یەکەم کۆبوونەوەی ئەنجوومەنی بەدواداچوون و هەڵسەنگاندن مانای بەرەوپێشچوونی پڕۆسەکەیە
عەبدوڵا ئۆجەلان دەڵێت ئەو شتانەی بەناوی ئەوەوە لە میدیاکان بڵاوکراونەتەوە، دوورن لە ڕاستییەوە، بە پیلانگێڕیی دژی خۆی ناویان دەبات و دەڵێت: "کاری نەیارانی پرۆسەکەن.
- ئەوەی بڵاوکراوەتەوە دەگوتریت کۆنووسی ژمارەیەک دیدار و کۆبوونەوەی ئیمراڵین
- ستایشی ئیرادەی رەجەب تەیب ئەردۆغان و دەوڵەت باخچەلی لە هەنگاوەکانی پرۆسەی ئاشتی
- پرۆسەکە بە هەنگاوی پڕدڵنیایی بەرەو پێشەوە دەچێت و گەیشتووینەتە قۆناغێکی هەستیار
- ئۆجەلان:هەوڵی هەندێک لایەن بۆ پەکخستنی پرۆسەکە لەم سەردەمە مێژوویییەدا، پیلانگێڕییە لە دژی من.
ئۆجەلان لەبارەی بڵاوکراوە کە دەگوترێت کۆنووسی ژمارەیەک دیدار و کۆبوونەوەی ئیمراڵین پەیامێکی گەیاندووەتە پارتی دیموکراسی و یەکسانیی گەلان (پارتی دەم) تاوەکو بۆ ڕایگشتیی بڵاوبکرێتەوە.
عەبدوڵڵا ئۆجەلان ئاماژەی بەوەکردووە، ئیرادەی هەریەک لە ڕەجەب تەیب ئەردۆغان، سەرۆککۆماری تورکیا و دەوڵەت باخچەلی، سەرۆکی گشتیی پارتی بزووتنەوەی نەتەوەیی تورکیا (مەهەپە)، ڕاگەیاندنی کۆتاییهێنان بە خەباتی چەکداری لەسەر بانگەوازی ئەو و لە کۆتاییدا بەڕێوەچوونی یەکەم کۆبوونەوەی ئەو ئەنجوومەنەی لە چوارچێوەی یاسای هاودەنگیی نیشتمانی و بەهێزکردنی یەکگترنی کۆمەڵایەتی، "ئاماژەیەکی ڕوونن بۆ ئەوەی پرۆسەکە بە هەنگاوی پڕدڵنیایی بەرەو پێشەوە دەچێت" و دەشڵێت: "لە پرۆسەکەدا گەیشتووینەتە قۆناغێکی هەستیار".
ئۆجەلان دەڵێت هەوڵی تێکدەرانە لە ئارادایە
ئۆجەلان دەشڵێت: "هەوڵی هەندێک لایەن بۆ پەکخستنی پرۆسەکە لەم سەردەمە مێژوویییەدا، پیلانگێڕییە لە دژی من" ئاماژەی بەوەکردووە، "ئەو نووسین و کۆنووسانەی لە میدیاکان و تۆڕە کۆمەڵایەتییەکاندا بەناوی منەوە بڵاوکراونەتەوە، دوورن لە ڕاستییەوە". دەشڵێت: "ئەمە کاری تێکدەرانەی دژبەرانی پرۆسەکەن".
داوایەک لە هەمووان
لە کۆتایی پەیامەکەیدا ئۆجەلان جەخت دەکاتەوە لەوەی زیاتر پەرە بە هەوڵەکانی دەدات بۆ بنیاتنانی ئاشتیی کۆمەڵایەتی و دەڵێت: "داوا لە هەمووان دەکەم بەگیانی برایەتی؛ بە شێوازی عەقڵانی و هۆشیارانە هەڵسوکەوت بکەن".
زانیاری زیاتر بۆ تۆ
شاندی ئیمراڵی: ئەو قسانەی بە ناوی ئۆجەلانەوە بڵاودەکرێنەوە ناڕاستن
ئەردۆغان و شاندی ئیمراڵی بۆ چوارەمین جار کۆبوونەوە
