پووختەی هەواڵەکە:

• ترەمپ: کارێکی گەورەتر لە ڕێککەوتنی ئەتۆمی لەگەڵ ئێران دەکەم.

• ترەمپ :ئێمە لە هەوڵی ئەنجامدانی ڕێککەوتندا نین لە گەڵ ئێران، بەڵام ڕەنگە دانوستان لەگەڵ ئێران ڕووبدات.

---

دۆناڵد ترەمپ، سەرۆکی ئەمریکا ڕایگەیاند، ڕەنگە دانوستان لەگەڵ ئێران بکەین دوای بەڕێوەچوونی هەڵبژاردنی نیوەخولی کۆنگرێسی ئەمریکا، ڕاستەوخۆ جەنگیش لەگەڵ ئەو وڵاتە کۆتایی بێت.

---

کۆنفڕانسی ڕۆژنامەوانی دۆناڵد ترەمپ

• ئەوەی ئەو لەگەڵ ئێران پێی هەڵدەستێت زۆر لە ئەنجامدانی ڕێککەوتنی ئەتۆمی گەورەترە، جەختی لەوەش کردەوە، کە چەند هێرشێکی دیکەش دەکەنە سەر ئێران.

• ترەمپ ئاشکرایکرد ئەمریکا هێرشی کردووەتە سەر نۆ کەشتیی ئێرانی و دەشڵێت، "ڕەنگە کەشتیی زیاتریان نوقم بکەین".

• سەبارەت بە جەنگی ڕووسیا و ئۆکرانیاش ترەمپ جەختی لەوە کردەوە، پەیوەندییە تەلەفۆنییەکەی لە گەڵ سەرۆکی ڕووسیا ئەرێنی بووە.

• ترەمپ پێشبینی کرد کە دوای هەڵبژاردنەکانی نیوەخولی کۆنگرێس "بەشێوەیەکی بەرچاو"  نرخی نەوت دابەزێت.

سەرۆکی ئەمریکا لە کۆنفڕانسێکی ڕۆژنامەوانیدا ڕایگەیاند، ئەوەی ئەو لەگەڵ ئێران پێی هەڵدەستێت زۆر لە ئەنجامدانی ڕێککەوتنی ئەتۆمی گەورەترە، جەختی لەوەش کردەوە، کە چەند هێرشێکی دیکەش دەکەنە سەر ئێران، ئەوان لە هەوڵی ئەنجامدانی ڕێککەوتندا نین لە گەڵ ئێران، بەڵام ڕەنگە دانوستان لەگەڵ ئێران ڕووبدات.

بەشداریکردن لە کۆنرگەی پارتی کۆماری

سەرۆکی ئەمریکا پێش ئەوەی بە فڕۆکە تایبەتەکەی بۆ داڵاس بەڕێبکەوێت، بە مەبەستی بەشداریکردن لە کۆنگرەی پارتەکەی، پارتی کۆمارییەکان، گوتی: "کارێکی گەورەتر لە ڕێککەوتنی ئەتۆمی لە گەڵ ئێران دەکەم".

لێدوانە نوێیەکانی لەسەر جەنگی ئێران

سەبارەت بە جەنگی ئێران جارێکی دیکە دووپاتیکردەوە و گوتی: "دوای سەرکەوتنمان لە هەڵبژاردنەکانی کۆنگرێس، ڕاستەوخۆ جەنگەکە کۆتایی دێت".

ئاماژەی بەوەشکرد ، کە ئەمریکا هێرشی کردووەتە سەر نۆ کەشتیی ئێرانی و دەشڵێت، "ڕەنگە کەشتیی زیاتریان نوقم بکەین".

 داهاتووی جەنگی ڕووسیا و ئۆکرانیا و پەیوەندی تەلەفۆنی لەگەڵ سەرۆکی ڕووسیا

سەبارەت بە جەنگی ڕووسیا و ئۆکرانیاش ترەمپ جەختی لەوە کردەوە، کە پەیوەندییە تەلەفۆنییەکەی لە گەڵ سەرۆکی ڕووسیا ئەرێنی بووە، بەڵام گرفتەکەی ئەوەیە سەرۆکانی ڕووسیا و ئۆکرانیا زۆر ڕقیان لە یەکە و رۆژانە ژمارەیەکی زۆر لە خەڵک بەهۆی ئەو جەنگەوە دەکوژرێن.

ترەمپ گوتی ، سەرۆکی ڕووسیا دەیەوێت بگات بە ڕێککەوتنی کۆتاییهێنان بە جەنگ لە گەڵ ئۆکرانیا، ئاماژەی بەوەشکرد، ئەگەر زێلێنسکیش ئەوەی بوێت، کارێکی زۆر باش دەبێت.

 پێشبینی ترەمپ سەبارەت بە نرخی نەوت

سەبارەت بە نرخی نەوت، ترەمپ پێشبینی کرد کە دوای هەڵبژاردنەکانی نیوەخولی کۆنگرێس "بەشێوەیەکی بەرچاو" دابەزێت.

زانیاری زیاتر بۆ تۆ

ترەمپ: هەوڵنادەم ئێران ناچار بکەم بێتە سەر مێزی دانوستان

ترەمپ: جەنگی ئێران بۆ ئەمریکا شتێکی بچووکە

زێلێنسکی: رووسیا ئامادەی دانوستانە و ئەمریکا گرژییەکان کەمدەکاتەوە