پووختەی هەواڵەکە:

• وەزیری پێشمەرگە: ئەمڕۆ بە شانازییەوە مژدەیەکی مێژوویی و دەستکەوتێکی مەزن ڕادەگەیێنین

• وەزیری پێشمەرگە: یەکخستنەوە و ڕێکخستنەوەی تەواوەتیی هێزەکانی پێشمەرگە بە سەرکەوتوویی کۆتاییهات

• وەزیری پێشمەرگە: ئەمڕۆ هێزەکانی 70 و 80 یەکخرانەوە

• وەزیری پێشمەرگە: هێزەکان لەسەر ئاستی یەک فەرماندەیی و کۆنترۆڵ ڕێکخرانەوە

• وەزیری پێشمەرگە: هەردوو دەڤەری فەرماندەیی سەربازیی بە فەرمیی دەستبەکار دەبن

• وەزیری پێشمەرگە: هەرێمی کوردستان دەبێتە خاوەنی سوپایەکی یەکگرتوو

• وەزیری پێشمەرگە: هێزەکان لە ژێر فەرماندەیی ڕاستەوخۆی وەزارەتی پێشمەرگەدا دەبن

---

وەزیرى پێشمەرگەی هەرێمی کوردستان سەرکەوتنى پڕۆسەی یەکخستنەوە و ڕێکخستنەوەی تەواوەتیی هێزەکانی پێشمەرگە ڕاگەیاند و گوتى هەرێمی کوردستان دەبێتە خاوەنی سوپایەکی یەکگرتوو.

---

لێدوانی وەزیری پێشمەرگە لەسەر یەکگرتنەوەی هێزەکانی 70 و80

• پڕۆسەی یەکخستنەوە و ڕێکخستنەوەی تەواوەتیی هێزەکانی پێشمەرگە، لەژێر چەتری وەزارەتی پێشمەرگە بە سەرکەوتوو کۆتاییهات.

• وەک یەک تیمی پێکەوەیی، توانیویانە سەرجەم بەربەست و گرفتە کەڵەکەبووەکان تێپەڕینن.

• تەواوی هێزەکان لەسەر ئاستی یەک فەرماندەیی و کۆنترۆڵ (لیوا، فیرقە و فەرماندەیی دەڤەر) ڕێکخراونەتەوە.

• هاوکات دەستبەکاربوونی هەردوو دەڤەری فەرماندەیی سەربازی بە فەرمی ڕاگەیاند و ئەو هەنگاوەشی بە دەستێکەوتێکی مێژوویی ناوبرد.

• لە پڕۆسەی یەکخستنەوە و ڕێکخستنەوەی هێزەکاندا، سەرۆکی هەرێمی کوردستان، سەرۆک و جێگری سەرۆکوەزیران و هێزەکانی هاوپەیمانان بە تایبەت ئەمریکا، ڕۆڵی گرنگ و باڵایان هەبووە.

شۆڕش ئیسماعیل، ئێوارەى ئەمڕۆ ڕایگەیاند، پڕۆسەی یەکخستنەوە و ڕێکخستنەوەی تەواوەتیی هێزەکانی پێشمەرگە، لەژێر چەتری وەزارەتی پێشمەرگە بە سەرکەوتوو کۆتاییهات و ئەوەشى بە مژدەیەکی مێژوویی و دەستکەوتێکی مەزن ناویبرد.

کارکردن وەک یەک تیمی پێکەوەیی

شۆڕش ئیسماعیل باسلەوە دەکات، وەک یەک تیمی پێکەوەیی، توانیویانە سەرجەم بەربەست و گرفتە کەڵەکەبووەکان تێپەڕینن، تاوەکو گەیشتنە ئەو دەرئەنجامەی هێزەکانی 70 و 80 بە پرۆسەیەکی ورد، سەربازییانە و پلان بۆ داڕێژراو یەکخرانەوە.

وەزیرى پێشمەرگە دەشڵێت، تەواوی هێزەکان لەسەر ئاستی یەک فەرماندەیی و کۆنترۆڵ (لیوا، فیرقە و فەرماندەیی دەڤەر) ڕێکخراونەتەوە.

دەستبەکار بوونی هەردوو فەرماندەیی سەربازیی

هاوکات دەستبەکاربوونی هەردوو دەڤەری فەرماندەیی سەربازی بە فەرمی ڕاگەیاند و ئەو هەنگاوەشی بە دەستێکەوتێکی مێژوویی ناوبرد و دەڵێت، هەرێمی کوردستان دەبێتە خاوەنی سوپایەکی یەکگرتوو و سەردەمییانە، لە ژێر فەرماندەیی ڕاستەوخۆی وەزارەتی پێشمەرگەدا.

ستایشی ئەو کەسولایەنانەی ڕۆڵیان لە یەکگرتنەوەکەدا هەبووە

وەزیرى پێشمەرگە ئاشکرای دەکات، لە پڕۆسەی یەکخستنەوە و ڕێکخستنەوەی هێزەکاندا، سەرۆکی هەرێمی کوردستان، سەرۆک و جێگری سەرۆکوەزیران و هێزەکانی هاوپەیمانان بە تایبەت ئەمریکا، ڕۆڵی گرنگ و باڵایان هەبووە.

زانیاری زیاتر بۆ تۆ

شۆڕش ئیسماعیل: تێکەڵکردنى هێزەکان لە عێراق پەیوەندیى بە پێشمەرگەوە نییە

قاسم ئەعرەجی: چەکی پێشمەرگە دەستوورییە و پەکەکە ناشەرعییە

شۆڕش ئیسماعیل: پلەی 8,758 کارمەند و پلەداری وەزارەتی پێشمەرگە بەرزکرایەوە