پووختەی هەواڵەکە

• چڕبوونەوەی ئاڵۆزییەکانی نێوان حوسییەکان و هێزەکانی حکومەت لە کەناراوەکانی یەمەن بووەتە هۆی کوژرانی سەدان کەس و ئاوارەبوونی بەکۆمەڵ.

• نەبوونی بودجەی پێویست و نەگەیشتنی هاوکارییە مرۆییەکان نزیکەی نیوەی دانیشتووانی یەمەنی خستووەتە ژێر هێڵی برسێتییەوە.

• داڕمانی کەرتی تەندروستی و پەککەوتنی دامەزراوەکان وایکردووە زیاتر لە 20 ملیۆن کەس لە نەبوونی ئاسایشی خۆراکدا ژیان بەسەربەرن.

---

عەبدولستار عیسوڤ، سەرۆکی ڕێکخراوی کۆچبەران لە یەمەن ڕایگەیاند لە هەفتەی ڕابردووەوە زیاتر لە 10 هەزار خێزانی ئاوارە تۆمارکراون و کۆی گشتیی ئاوارەکانی ئەمدواییە گەیشتووەتە 60 بۆ 65 هەزار کەس. لە ماوەی 12 ساڵ شەڕیشدا 450 هەزار کەس کوژراون و 5 ملیۆن کەس ئاوارەبوون و 300 هەزار کەس بە دەست برسێتییەوە دەناڵێنن.

---

دۆخی مرۆیی شەپۆلی نوێی ئاڵۆزییەکان

تیمە مەیدانییەکانی ڕێکخراوی کۆچبەران ئەم زانیارییانەیان لەسەر دۆخی یەمەن خستووەتەڕوو:

• ئاڵۆزییەکانی نێوان حوسییەکان و هێزەکانی حکومەت لە ناوچە کەناراوییەکانی باشووری ڕۆژئاوا بووەتە هۆی کوژرانی زیاتر لە 500 کەس لە ڕۆژانی ڕابردوودا.

• بەهۆی داڕمانی ژێرخانی ئابووری و نەبوونی هاوکارییەکان، نزیکەی 20 ملیۆن کەس لە ئاسایشی خۆراک بێبەشبوون.

• لە کەرتی چاودێریی تەندروستیدا تەنیا 60%ـی دامەزراوە تەندروستییەکان کاردەکەن و ئەوانیش بەدەست کەمیی دەرمانەوە دەناڵێنن.

• بەهۆی شەپۆلی نوێی ئاڵۆزییەکانەوە ژمارەی ئاوارە ناوخۆییەکانی یەمەن لە سەرانسەری وڵاتەکەدا بۆ زیاتر لە 5 ملیۆن کەس بەرزبووەتەوە.

زانیاریی زیاتر لەسەر بابەتەکە

لە سەرەتای سەرهەڵدانی شەڕی ناوخۆیی یەمەن لە ساڵی 2014ـەوە تاوەکو ئێستا نزیکەی 450 هەزار کەس کوژراون، کە 150 هەزاریان ڕاستەوخۆ لە شەڕدا بوونەتە قوربانی و 300 هەزارەکەی دیکەش بەهۆی برسێتی و نەخۆشییەوە گیانیان لەدەستداوە کە 90%ـیان سڤیلن. تێکچوونی ئاگربەستی ساڵی 2022ـی نەتەوەیەکگرتووەکان، قەیرانەکەی قووڵتر کردووەتەوە و خێزانەکانی بۆ چەندین جار ناچار بە ئاوارەیی بەبێ کەلوپەل کردووە.

زانیاریی زیاتر بۆ تۆ

نەتەوەیەکگرتووەکان: لە یەمەن 46 هەزار کەس ئاوارە بوون

مەترسی و کاریگەرییەکانی داخستنی گەرووی بابولمەندەب لەسەر ئابووریی جیهان

حوسییەکان لە بزووتنەوەیەکی مەزهەبییەوە بۆ دەسەڵاتداری سەرەکیی یەمەن

هاتوچۆی کەشتیوانی لە گەرووی بابولمەندەب گەیشتووەتە نزمترین ئاست