موحسین ڕەزایی: نێوەندگرەکانمان لە مەرجەکانى دانوستان ئاگادارکردووەتەوە
پووختەی هەواڵەکە:
- موحسین ڕەزایی: بە قەتەردا مەرجەکانمان ناردووە و چاوەڕێی وەڵامی ترەمپ دەکەین
- موحسین ڕەزایی: مووشەکێکی دژەکەشتیمان لە نزیک کەشتییەکی فڕۆکەهەڵگری ئەمریکی تاقیکردەوە
- موحسین ڕەزایی: لە هەموو کاتێک زیاتر بۆ ڕووبەڕووبوونەوەی ئەمریکا ئامادەین
- موحسین ڕەزایی: لە بوارى ئەتۆمدا پابەندین بە فەتوای ڕێبەری کۆچکردوو
موحسین ڕەزایی، سکرتێری ئەنجوومەنی باڵای ئاسایشی نەتەوەیی ئێران ڕۆژی شەممە ڕایگەیاند، تاران نێوەندگرانی لە مەرجەکانی دەستپێکردنەوەی دانوستانەکانی بە ئامانجی کۆتایی هێنان بە جەنگ لەگەڵ ئەمریکا ئاگادار کردووەتەوە.
لێدوانەکانی موحسین رەزایی لەسەر مەرجەکانی کۆتاییهاتنی جەنگ
- مەرجەکانی ئێران بریتین لە کۆتاییهێنان بە جەنگ لە هەموو بەرەکان، ئازادکردنى پارە بلۆککراوەکان، هەڵگرتنی گەمارۆی دەریایی.
- لە پەیوەندیدان لەگەڵ قەتەر کە مەرجەکانی ئەوانی گەیاندە واشنتن بە ئامانجی کۆتاییهێنان بە شەڕەکە، بۆ ئەو مەبەستەش چاوەڕێی وەڵامی دۆناڵد ترەمپ سەرۆکی ئەمریکا دەکەن.
- ڕەزایی خواستی تارانی بۆ کۆتایی هاتنی شەڕی نێوان سعودیە و یەمەن دەربڕی، بە بۆچوونى ئەو یەمەنییەکانیش دەیانەوێت لەگەڵ سعودیە بگەنە ڕێککەوتن.
- تاران گەیشتووەتە خاڵێکی گۆڕانکاری لە ستراتیجی خۆیدا بەرامبەر واشنتن دوای کشانەوەی ئەمریکا لە یاداشتی لێکتێگەیشتنەکە.
- پابەندبوون بە فەتوای ڕێبەری کۆچکردوو و هیچ گۆڕانکارییەکیان لە عەقیدەی ئەتۆمییان نەکردووە.
موحسین ڕەزایی لە دیمانەیەکدا لەگەڵ کەناڵى جەزیرە، ڕوونیکردەوە ئەو مەرجانە بریتین لە کۆتاییهێنان بە جەنگ لە هەموو بەرەکان، ئازادکردنى پارە بلۆککراوەکان، هەڵگرتنی گەمارۆی دەریایی.
بەردەوامی پەیوەندییەکان لەگەڵ قەتەر و چاوەڕوانی وەڵامی ترەمپ
گوتیشى "ئێمە لە پەیوەندیداین لەگەڵ قەتەر کە مەرجەکانی ئێمەی گەیاندە واشنتن بە ئامانجی کۆتاییهێنان بە شەڕەکە، چاوەڕێی وەڵامی دۆناڵد ترەمپ سەرۆکی ئەمریکا دەکەین".
ئێران پشتیوانی کۆتایهاتنی شەڕی سعودی و حوسییەکان دەکات
سەبارەت بە هێرشەکانی حوسییەکان بۆ سەر سعودیە، ڕەزایی خواستی تارانی بۆ کۆتایی هاتنی شەڕی نێوان سعودیە و یەمەن دەربڕی، بە بۆچوونى ئەو یەمەنییەکانیش دەیانەوێت لەگەڵ سعودیە بگەنە ڕێککەوتن.
تاقیکردنەوەی مووشەکێکی نوێی دژەکەشتیی
موحسین ڕەزایی، ئاشکراى کرد وڵاتەکەی بەم دواییە مووشەکێکی دژەکەشتیی لە نزیک کەشتییەکی فڕۆکەهەڵگری ئەمریکی تاقیکردەوە، ئەمەش ئاماژەیە بۆ ئەوەی تاران گەیشتووەتە خاڵێکی گۆڕانکاری لە ستراتیجی خۆیدا بەرامبەر واشنتن دوای کشانەوەی ئەمریکا لە یاداشتی لێکتێگەیشتنەکە.
ڕەزایی، ڕایگەیاند کە تاران ئێستا لە هەموو کاتێک زیاتر ئامادەیە بۆ ڕووبەڕووبوونەوەی هێرشە ئاسمانییەکانی ئەمریکا.
پابەندبوون بە فەتوای ڕێبەری کۆچکردوو لە بواری ئەتۆمی
سەبارەت بە پرسی ئەتۆمى، سکرتێری ئەنجوومەنی باڵای ئاسایشی نەتەوەیی ئێران ڕایگەیاند، "ئێمە پابەندین بە فەتوای ڕێبەری کۆچکردوو و هیچ گۆڕانکارییەکمان لە عەقیدەی ئەتۆمیمان نەکردووە، بەڵام نازانین داهاتوو چی بەدوای خۆیدا دەهێنێت".
جەختیشی لەوە کردەوە، تاران تاوەکو ئێستا بڕیاری کشانەوەی لە پەیمانی قەدەغەکردنی چەکی چەکی نەداوە و بابەتەکەش پەیوەستە بە کردەوەکانی واشنتنەوە.
زانیاری زیاتر بۆ تۆ
موجتەبا خامنەیی موحسێن ڕەزایی وەک نوێنەری خۆی لە ئەنجوومەنی ئاسایشی نەتەوەیی دیاریکرد
ڕاوێژکاری ڕێبەری ئێران: ڕێگە بە کردنەوەی ڕێڕەوی دووەم لە گەرووی هوورمز نادەین
موحسین ڕەزایی: ڕەشنووسی ڕێککەوتنی نێوان ئێران و ئەمریکا ناڕوونە
موحسین ڕەزایی: گەرووی هوورمز لە دەیان بۆمبی ئەتۆمی بۆ ئێران گرنگترە
