پووختەی هەواڵەکە:

• حسێن موحیبی: ئەمریکا هێرشی نوێ بکاتەسەر ئێران وەڵامێکی تووندمان دەبێت.

• حسێن موحیبی: ئەمریکا هیچ بژاردەیەکی نییە جگە لە قبوڵکردنی مەرجەکانمان.

• حسێن موحیبی: پێویستە بەرپرسانی ئەمریکا هەڵەکانی ڕابردوو دووبارە نەکەنەوە.

---

گوتەبێژی سوپای پاسدارانی ئێران ڕایگەیاند، تاران مەرجەکانی بۆ کۆتاییهاتنی جەنگ لەگەڵ واشنتن قورستر دەکات و هۆشداریی دەدات لە هێرشی ئەمریکا بۆسەر وڵاتەکەی و دەڵێت، ئەمریکا پێشتر شکستیهێناوە لە بەدیهاتنی ئامانجەکانی.

---

گوتەبێژی سوپای پاسداران باس لە ئامادەباشی وڵاتەکەی دەکا بۆ بەرپەرچدانەوەی ئەمریکا

• هێزە چەکدارەکانی ئێران لە حاڵەتی ئامادەباشیدان بۆ بەرپەرچدانەوەی هەر هێرشێکی ئەمریکا.

• وەڵامەکانیان بۆسەر ناوچەیەکی دیاریکراو نابێت، بەڵکو هەر شوێنێک ئەمریکا هێرشی بکاتەسەر، لە بەرامبەردا هێرشدەکەنەسەر ئەوەندە ئامانج.

• ئێران بۆ هەموو سیناریۆیەک ئامادەیە، هەر جوڵەیەک لەلایەن دووژمنەوە ئەنجامبدرێت، وەڵامێکی ئازاربەخشیان بۆی دەبێت.

• دوای شکستهێنانی ئەو ڕێککەوتنەی مانگی حوزەیرانی ڕابردوو بۆ کۆتاییهاتنی جەنگ کرابوون، ئێران مەرجەکانی بۆ دووبارە کۆتاییهاتنی ئەو جەنگە قورستر دەکات.

حسێن موحیبی، گوتەبێژی سوپای پاسداران ڕایگەیاند، پێویستە بەرپرسانی ئەمریکا هەڵەکانی ڕابردوو دووبارە نەکەنەوە، سەرۆکی ئەمریکا بەردەوامە لە هەڕەشەکردن، هەرچەندە نەیتوانیوە هەڕەشەکانی پێشووی خۆی جێبەجێ بکات.

 ئامادەباشی هێزە چەکدارەکانی ئێران و ئامانج بەرامبەر ئامانج هێرشی دەکرێتە سەر

جەختلەوە دەکاتەوە، هێزە چەکدارەکانی وڵاتەکەی لە حاڵەتی ئامادەباشیدان بۆ بەرپەرچدانەوەی هەر هێرشێکی ئەمریکا، باسلەوە دەکات، وەڵامەکانیان بۆسەر ناوچەیەکی دیاریکراو نابێت، بەڵکو هەر شوێنێک ئەمریکا هێرشی بکاتەسەر، لە بەرامبەردا هێرشدەکەنەسەر ئەوەندە ئامانج.

ئامادەکاری کراوە بۆ وەڵامدانەویە ئازاربەخش

گوتەبێژەکەی سوپای پاسداران ئاشکرای دەکات، وڵاتەکەی بۆ هەموو سیناریۆیەک ئامادەیە، هەر جوڵەیەک لەلایەن دووژمنەوە ئەنجامبدرێت، وەڵامێکی ئازاربەخشیان بۆی دەبێت.

موحیبی دەشڵێت، دوای شکستهێنانی ئەو ڕێککەوتنەی مانگی حوزەیرانی ڕابردوو بۆ کۆتاییهاتنی جەنگ کرابوون، ئێران مەرجەکانی بۆ دووبارە کۆتاییهاتنی ئەو جەنگە قورستر دەکات.

تۆمەتبارکردنی ئەمریکا بە پێشێلکردنی ڕێککەوتن

گوتەبێژەکەی پاسداران، ئەمریکا بە پێشێلکردنی ڕێککەوتنەکە تۆمەتبار دەکات و دەڵێت، کارێکی زۆر قێزەونیان ئەنجامدا، بۆیە مەرجەکانمان قورستر کردووە، ئەگەر ئەمریکاش لەسەر ئەو ئاڕاستەیە بەردەوام بێت، ئەوا تەنیا دۆخەکە لەسەر خۆیان سەختتر دەکەن.

بە گوتەی موحیبی، ئەمریکا هیچ بژاردەیەکی دیکەی نییە، جگە لە قبوڵکردنی مەرجەکانی ئێران.

زانیاری زیاتر بۆ تۆ

موحسین ڕەزایی: نێوەندگرەکانمان لە مەرجەکانى دانوستان ئاگادارکردووەتەوە

عێراقچی: پێویستە وڵاتانی ناوچەکە بەبێ دەستوەردانی دەرەکی خۆیان چارەسەر بۆ کێشەکانیان بدۆزنەوە

وەزیری گەنجینەی ئەمریکا: لە 23ـی ئەیلوولەوە هێڵە ئاسمانییەکانی تاران لە سەرانسەری جیهاندا دادەخرێن

پزیشکیان: حکومەت ناتوانێت بە ئەندازەی هەڵاوسان مووچە زیاد بکات