پووختەی هەواڵەکە:

• باڵیۆزی ئەمریکا لە تورکیا کشانەوەی سەربازیی تورکیای لە عێراق بە خاڵی وەرچەرخان ناوبرد.

• تۆم باراک ڕایگەیاند کە ڕادەستکردنەوەی سەربازگەی زلێکان خزمەت بە ئاسایشی هەردوو وڵات دەکات.

• بەپێی ڕێککەوتنی بەغداد و ئەنقەرە، تا کۆتایی ئەمساڵ هێزەکانی تورکیا لە زلێکان دەکشێنەوە.

• پرۆسەی چۆڵکردنی بنکەکە بە هەماهەنگیی ڕاستەوخۆ دەبێت و پێگەکە ڕادەستی سوپای عێراق دەکرێتەوە.

---

ڕێککەوتنی ئەمنیی نێوان بەغداد و ئەنقەرە چووەتە قۆناغی جێبەجێکردنی خشتەی کشانەوەی سەربازی؛ واشنتن لە ڕێگەی نێردەی تایبەتی خۆیەوە چاودێریی پرۆسەی چۆڵکردنی بنکە سەربازییەکانی تورکیا دەکات لە سنووری پارێزگای نەینەوا و هەنگاوەکە وەک دەستپێکی ڕێکخستنەوەی سیستمی ئەمنیی ناوچەکە دەبینێت.

---

تۆم باراک، باڵیۆزی ئەمریکا لە تورکیا و نێردەی ئەو وڵاتە بۆ عێراق و سووریا:

• کشانەوەی سەربازیی تورکیا لە عێراق و ڕادەستکردنەوەی سەربازگەی زلێکان بە حکومەتی بەغداد خاڵێکی وەرچەرخانە.

• پرۆسەی کشانەوەکە بەپێی میکانیزم و هێڵێکی کاتیی دیاریکراو لەنێوان هەردوو حکومەتدا ئەنجام دەدرێت.

• چۆڵکردنی بنکەکان خزمەت بە پاراستنی سەروەریی عێراق و پتەوکردنی ئاسایشی سنووری تورکیا دەکات.

• بارودۆخی ناوچەکە هەوڵێکە بۆ دووبارە ڕێکخستنەوەی سیستمی پەیوەندییەکان لەنێوان وڵاتاندا.

ڕێککەوتنی نێوان حکومەتی عێراق و تورکیا:

بەپێی ئەو ڕێککەوتنەی لەنێوان بەغداد و ئەنقەرەدا ئەنجامدراوە، بڕیارە تا کۆتایی ئەمساڵ هێزەکانی سوپای تورکیا سەربازگەی باشیک - زلێکان لە دەشتی نەینەوا بەتەواوی چۆڵ بکەن؛ تەواوی پرۆسەکە بە هەماهەنگیی ڕاستەوخۆی نێوان هەردوو وڵات بەڕێوەدەچێت و سەربازگەکە بە فەرمی ڕادەستی سوپای عێراق دەکرێتەوە.

زانیاری زیاتر بۆ تۆ:

زەیدى و ئەردۆغان ڕێککەوتن لەسەر قووڵکردنەوەى هاریکارییە ئەمنییەکان