باڵیۆزى عێراق لە ئێران: گەشتەکانى ئێران بۆ فڕۆکەخانەى نەجەف دەستپێدەکاتەوە
پووختەی هەواڵەکە:
- باڵیۆزى عێراق لە ئێران: حکومەتى عێراق هیچ بڕیارێکى بۆ ڕاگرتنى گەشتەکان دەرنەکردووە.
- لە 24 کاتژمێرى داهاتوودا گەشتەکانى ئێران بۆ فڕۆکەخانەى نەجەف دەستپێدەکەنەوە.
یاسر عەبدولزەهرا حەجاج، باڵیۆزى عێراق لە ئێران ڕایگەیاند، لە 24 کاتژمێرى داهاتوودا گەشتەکانى ئێران بۆ فڕۆکەخانەى نەجەف دەستپێدەکەنەوە.
بەردەوامی هەوڵەکانی عێراق بۆ دەستپێکردنەوەی گەشتە ئاسمانییەکان بۆ ئێران
- بە گوتەی باڵیۆزی عێراق لە ئێران حکومەتی زەیدی لە هەوڵى بێوچاندایە بۆ دەستپێکردنەوەى گەشتە ئاسمانییەکانى نێوان عێراق و ئێران.
- باڵیۆزی عێراق لە ئێران دەڵێت، تاوەکو ئێستا لەلایەن حکومەتى عێراقەوە هیچ بڕیارێک دەرنەچووە بۆ ڕاگرتنى گەشتەکان لەگەڵ ئێران، بەڵکو لە ترسى سزاکانى ئەمریکا کۆمپانیا بیانییەکان خزمەتگوزارییەکانیان ڕاگرتووە.
- باڵیۆزى عێراق لە ئێران ئاماژەى بەوە کرد، حکومەتى عێراق بە سەرۆکایەتیی عەلى زەیدى، سەرۆکوەزیران هەوڵێکى بێوچان دەدەن بۆ دەستپێکردنەوەى گەشتە ئاسمانییەکانى نێوان عێراق و ئێران.
گوتیشى، تاوەکو ئێستا لەلایەن حکومەتى عێراقەوە هیچ بڕیارێک دەرنەچووە بۆ ڕاگرتنى گەشتەکان لەگەڵ ئێران، بەڵکو لە ترسى سزاکانى ئەمریکا کۆمپانیا بیانییەکان خزمەتگوزارییەکانیان ڕاگرتووە.
جەختیشى لەسەر ئەوەشکردەوە، لە ماوەى 24 کاتژمێرى داهاتوودا گەشتەکانى ئێران بۆ فڕۆکەخانەى نەجەف دەستپێدەکەنەوە.
وەزارەتى گەنجینەى ئەمریکا بۆ فشارخستنەسەر حکومەتى ئێران بڕیاریدا بە ڕاگرتنى گەشتە ئاسمانییەکانى ئێران بۆ وڵاتان و لەو چوارچێوەیەشدا گەشتە ئاسمانییەکانى ئێران بۆ هەرێمى کوردستان و عێراق ڕاگیران.
زانیاری زیاتر بۆ تۆ:
فڕۆکەوانیی عێراق سەرجەم گەشتە ئاسمانییەکانی عێراق وهەرێمی کوردستانی لەگەڵ ئێران ڕاگرت
فڕۆکەخانەى نەجەف گەشتەکانى هاتن و چوونى بۆ ئێران ڕاگرت
فڕۆکەخانەکانی هەرێمی کوردستانیش دەگرێتەوە؛ گەشتەکانی نێوان عێراق و ئێران دەوەستێنرێن
زانیاریی کەناڵ8: فڕۆکەخانەکانی عێراق لە ڕاگرتنی گەشتی هێلەکانی ئێران ئاگادارکراونەتەوە
وەزیری گەنجینەی ئەمریکا: لە 23ـی ئەیلوولەوە هێڵە ئاسمانییەکانی تاران لە سەرانسەری جیهاندا دادەخرێن
60 خولەک پێش ئێستا