پووختەى هەواڵەکە

• سەرۆککۆماری عێراق بە بۆنەی ڕۆژی سەروەرییەوە پیرۆزبایی لە گەلی عێراق دەکات.
• نزار ئامێدی: سەروەری و سەقامگیری و یەکێتیی خاکی عێراق هیچ سازشێکی لەسەر ناکرێت.
• نزار ئامێدی: دەبێت چەک و بڕیاری شەڕ و ئاشتی تەنیا لە دەستی دەوڵەتدا بێت.
• نزار ئامێدی: لەم بۆنەیەدا داوا لە هێزە سیاسییەکان دەکەین بەرژەوەندیی عێراق پێش بەرژەوەندیی دیکە بخەن.

---

بەبۆنەی ڕۆژی سەروەرییەوە سەرۆککۆماری عێراق پیرۆزبایی لە گەلی عێراق کرد و جەختدەکاتەوە، سەروەریی عێراق و سەربەخۆیی بڕیار و یەکپارچەیی نیشتمان و پارێزراویی دامەزراوەکانی کۆمەڵێک بنەمای گرنگن کە سازشیان لەسەر ناکرێت.

---

ڕاگەیێنراوەکەى سەرۆککۆمار

• نزار ئامێدی، سەرۆککۆماری عێراق ڕاگەیێنراوێکی لەبارەی ڕۆژی سەروەرییەوە بڵاوکردەوە و ڕایگەیاندووە، سەروەری بەبێ دەوڵەتێکی بەهێز و دامەزراوەیی چەسپاو و جێبەجێکاری یاسا تەواو نابێت.
• دەشڵێت، بڕیاری ئاشتی و شەڕ مافێکی تایبەتە بە دەوڵەت و دامەزراوە دەستوورییەکانی، هەروەها چارەسەرکردنی کۆکردنەوەی چەک لە دەستی دەوڵەت و ملکەچکردنی هەموو جۆرە هێزێک بۆ بڕگەکانی دەستوور و یاسا، پایەی بنەڕەتین لە پاراستنی سەروەری و پاراستنی سەقامگیری و چەسپاندنی دەسەڵاتی دەوڵەت.
• سەرۆککۆماری عێراق داوای لە سەرجەم هێزە سیاسی و نیشتمانییەکان کردووە، بۆ هەڵگرتنی بەرپرسارێتی لە پاراستنی یەکگرتوویی بڕیار و پێشخستنی بەرژەوەندییە باڵاکانی دەوڵەت و پتەوکردنی یەکگرتوویی نیشتمانی و پاراستنی عێراق لە گرژییەکان.
• دەشڵێت، لەگەڵ کۆتاییهاتنی ئەرکی هاوپەیمانان لە عێراق جەختدەکەنەوە، لە گواستنەوەی عێراق بۆ قۆناغێکی نوێ لە پەیوەندییە نێودەوڵەتییەکان لەسەر بنەمای سەروەریی تەواوەتی.

ئەوە لە کاتێکدایە، پڕۆسەی کشانەوەی تەواوەتیی هێزەکانی ئەمریکا و هاوپەیمانان لە عێراق، لە ڕۆژى 30ـى ئەیلوولی 2026، بە شێوەیەکی فەرمی کۆتایی پێهات. ئەم پێشهاتە مێژووییە دوای ڕێککەوتنی ساڵی 2024ـى نێوان حکومەتی عێراق و واشنتن هات بۆ کۆتاییهێنان بە ئەرکی سەربازیی هاوپەیمانیی نێودەوڵەتی دژ بە داعش.

زانیارى بۆ تۆ

پرسى کشانەوەى هێزەکانى هاوپەیمانان لە پەرلەمانى عێراق تاوتوێدەکرێت

سەرۆکایەتییەکانی عێراق: چەک تەنیا لە دەستی دەوڵەتدا بێت

بەرپرسێکی عێراقی: سوپای ئەمریکا بە تەواوی لە عێراق کشاوەتەوە