پووختەى هەواڵەکە

• بە گوێرەی نوێترین ڕاپرسی، هەڵبژاردن لە تورکیا بکرێت، پارتى نوێ لە ئاکپارتى دەباتەوە.

• پارتى نوێ بە سەرۆکایەتى ئۆزگور ئۆزەل ئێستا جەماوەرێکى گەورەى لە خۆى کۆکردوەتەوە.

  ---

ڕاپرسییەکە لەلایەن ناوەندی لێکۆڵینەوەی گویندەمار، لە20 شاری باکووری کوردستان و تورکیا کراوە و دوو هەزار و 400 کەس بەشدارییان تێدا کردووە.

ئەنجامەکانى ڕاپرسییەکە:

• %30.64ـی بەشداربووانی ڕاپرسییەکە دەنگ بە پارتی نوێ دەدەن.

• %28.24 دەنگ بە ئاکپارتی دەدەن.

دەنگی پارتەکانی دیکە بەم جۆرەیە؛

• ئیی پارتی؛ %7.77

• پارتی دەم؛%7.6

• پارتی زەفەر؛5.81 %

• مەهەپە؛ 5.46%

بەو ئەنجامەش پارتی نوێ کە 24ـی تەمموزی ئەمساڵ لە لایەن ئۆزگور ئۆزەل و90 پەرلەمانتاری دەستلەکارکێشاوەی جەهەپە دروستکرا، دەبێتە یەکەم پارتی پەرلەمان و پێش ئاکپارتی دەکەوێت.

هەڵبژاردنە سەرۆکایەتی و پەرلەمانییەکەی پێشوو لە ئایاری 2023 بەڕێوەچوو، بەگوێرەی ڕۆژمێری هەڵبژاردن، هەڵبژاردنی داهاتوو لە ئایاری 2028 بەڕێوەدەچێت، بەڵام بە گوێرەی لێدوانی زۆربەی بەرپرسانی ئاکپارتی و مەهەپەی هاوپەیمانیان، هەڵبژاردنی پێشوەختە لە دەوروبەری مانگی نیسانی 2028 بەڕێوەدەچێت و بەو جۆرەش ڕەجەب تەیب ئەردۆغان، سەرۆککۆماری تورکیا دەتوانێت خۆی بەربژێر بکاتەوە.