بڕیارە ئەمڕۆ پێنجشەممە ئەنجوومەنی پارێزگای کەرکووک کۆببێتەوە.
پارێزگارێکی نوێ لە پێکهاتەی تورکمان هەڵبژێرێت.
کەرکووک بە ڕێککەوتنى نێوان پێکهاتە سەرەکییەکانى پارێزگاکە بەڕێوەدەبرێت.
پەروین فاتیح، ئەندامی ئەنجوومەنی پارێزگای کەرکوک بە کەناڵ8ـی، دوای ئەوەی دوێنێ چوارشەممە لە بەغداد ڕێککەوتنی سیاسی کرا لەسەر پۆستی پارێزگاری کەرکووک، بڕیارە ئەمڕۆ ئەنجوومەنی پارێزگا کۆببێتەوە و پارێزگارێکی نوێ هەڵبژێرێت.
بەگوێرەى ڕێککەوتنەکە، پۆستی پارێزگار تاوەکو سەرەتای ساڵی نوێ دەدرێتەوە بە بەربژێری بەرەی تورکمانی.
دوای ئەو وادەیەش، پۆستەکە دەدرێت بە پێکهاتەی عەرەب.
هەوڵێک هەبوو پۆستی پارێزگاری کەرکووک بدرێت بە کەسێکی تورکمانی شیعە مەزهەب، بەڵام لەئێستادا ڕێککەوتنەکە بە جۆرێکە پۆستەکە بدرێت بە بەربژێری بەرەی تورکمانی.
دوای هەڵبژاردنی محەممەد سەمعان، پارێزگاری کەرکووک وەک وەزیرى دەوڵەت، بۆشایی ئیداری لە پارێزگاکە دروستبووە، ناوبراو مانگی نیسانی ڕابردوو، بەگوێرەى ڕێککەوتنێکی سیاسی پۆستی پارێزگاری کەرکووکی وەرگرتبوو.
