پووختەى هەواڵ

• لە لافاوەکەدا زیانێکى زۆر بەر ئۆتۆمبێلى هاونیشتمانییان کەوت.

• بەگوێرەى خەمڵاندنەکان زیاتر لە هەزار ئۆتۆمبێل زیانیان بەرکەوتووە.

بەڕێوەبەرایەتیى هاتووچۆی هەولێر ڕایگەیاند، بێبەرامبەر تابلۆى نوێ بە سەرجەم ئەو شۆفێرانەى دەدەن کە بەهۆى لافاوەکەى هەولێرەوە زیانیان بەرکەوتووە.

هاتووچۆی هەولێر لە ئاگادارییەکدا:

• سەرجەم ئەو شۆفێرانەى بەهۆی لافاوەکەوە تابلۆی ئۆتۆمبێلەکانیان بزر بووە و تاوەکو ئێستا نەیاندۆزیووەتەوە، سەردانى قایمقامییەتی قەزای هەولێر بکەن.

• نووسراوێکی پشتگیری ببەن بۆ بەڕێوەبەرایەتیی هاتووچۆی هەولێر ڕاستەوخۆ تابلۆیەکی نوێتان پێدەدرێت.

ڕۆژى 7ـى تشرینى دووەم، لافاو شارى هەولێرى گرتەوە و بەهۆیەوە دوو هاونیشتمانی گیانیان لەدەستدا، بەهۆی بەهێزیی لافاوەکەوە، هەندێک هاونیشتمانى ڕۆژێک دواتر ئۆتۆمبێلەکانیان لە دووری ماڵەکانیان لەژێر قوڕ و لیتە دۆزییەوە، بەڵام بە کەڵکی چاککردنەوە نەمابوون.

زانیاریى زیاتر بۆ تۆ:

لە لافاوەکەى هەولێر زیاتر لە هەزار ئۆتۆمبێل زیانیان بەرکەوتووە