سێیەمین پێشانگەی کتێبی زانکۆی سۆران، بە بەشداری زیاتر لە 20 ناوەندی چاپ و پەخش و کتێبخانە، ژمارەیەکی زۆر لە قوتابییانی زانکۆکە و هاونیشاتیمانیانی سۆران کرایەوە.
بە بەشداری سێ هەزار ناونیشانی جیاواز و زیاتر لە 20 ناوەندی چاپ و پەخش، سێیەمین پێشانگەی کتێبی زانکۆی سۆران کرایەوە، زۆرینەی کتێبەکان داشکانی %30 بۆ %50ـیان بۆ کراوە.
ڕێبەر عەبدولغەفار، بەرپرسی ڕاگەیاندی زانکۆی سۆران، بە کەناڵ 8ـی گوت، "ئامانج لە کردنەوەی ئەم پێشانگەیە، کەمکردنەوەی کاریگەریی تەکنەلۆجیایە لەسەر قوتابییان و گەنجانی هەرێمی کوردستان، لەگەڵ ئاشناکردنەوەیانە بەکتێب".
پێشانگەکە رۆژانە کاتژمێر 9:00ـی بەیانی تاوەکو 5:00ی ئێوارە بەردەوام دەبێت، جگە لە قوتابییان، هاونیشتیمانیانی سۆرانیش دەتوانن سەردانی پێشانگەکە بکەن.
بەشێک لەبەشداربووانیش، کردنەوەی پێشەنگەکە بەگرنگ دەزانن، بە تایبەت بۆ قوتابیانی زانکۆ و پەیمانگەکان، بەمەبەستی بەرزکرنەوەی ئاستی زانستییان و هاندانی گەنجان بۆ خوێندنەوەی کتێب.
