ئەنجوومەنی ئاسایشی نێودەوڵەتی بەزۆرینەى دەنگ بڕیارى دەستبەجێ ئاگربەستى لە کەرتى غەززە، پەسەندکرد.
پرۆسەی دەنگدانەکە دوای ئەوە دێت کە رۆژی هەینی هەریەک لە رووسیا و چین، پرۆژەبڕیارێکی ئەمریکایان ڤیتۆ کرد، نوێنەری رووسیاش پرۆژەکەی بە کاتکوشتن ناوبردبوو.
لە کۆبوونەوەکەدا ویلایەتەیەکگرتووەکانى ئەمریکا ڤیتۆى دژى پرۆژەبریارەکە بەکارنەهێنا و تەنیا دەنگى بەبڕیارەکەى ئەنجوومەنى ئاسایش نەدا.
هاوکات نوێنەرى جەزائیر لە ئەنجوومەنەکە لەبارەى بڕیارەکەوە گوتى "ئەو رەشنووسەى پەسەندکرا دەتوانێت شەڕ رابگرێت".
لەبڕیارەکەدا ئەنجوومەنى ئاسایش داواى ئازادکردنى دەستبەجێى سەرجەم بارمتەکان دەکات و هەروەها داواى لابردنى رێگرییەکانى بەردەم گەیشتنى هاوکارییە مرۆییەکان بۆ کەرتى غەززە کرد.
