ئیسرائیل ئامادەکاری بۆ هەڵبژاردنی پەرلەمانی ساڵی 2026 دەکات، کە یەکەمین پرۆسەیە دوای هێرشەکانی 7ـی تشرینی یەکەم و تێوەگلانی وڵاتەکە لە جەنگی غەززە و لوبنان و ئاڵۆزییەکان لەگەڵ ئێراندا.

فەرماندەیی ناوەندیی هێزەکانی ئەمریکا (سێنتکۆم) لە ڕاگەیەندراوێکدا تێکشکاندنی سێ کەشتیی نەوتی ئێرانی ڕاگەیاند، وەک وەڵامێک بۆ هەڵدانی مووشەکی بالیستیکی لەلایەن ئێرانەوە بۆ سەر دوو کەشتیی جەنگیی ئەمریکی.

حەسەن ڕوحانی، سەرۆککۆماری پێشووتری ئێران ڕەخنەی توندی لە شێوازی ئیدارەدانی تەلەڤزیۆنی فەرمیی وڵاتەکەی گرت و ڕایگەیاند کە ئەو دەزگایە بۆ گرووپێکی سنووردار قۆرخکراوە و گوێ لە دەنگی ڕاستەقینەی زۆرینەی گەل ناگرێت.

ململانێی 6 مانگەی نێوان واشنتن و تاران تەنیا ڕووبەڕووبوونەوەی سەربازی نییە، بەڵکو جەنگێکی ئابووریی قورسە کە بووەتە هۆی داڕمانی دراوی ئێران و بەرزبوونەوەی قەرزی گشتی ئەمریکا بۆ ئاستێکی مێژوویی.

واشنتن هەڵمەتی وشککردنی سەرچاوە داراییەکانی ئێرانی فراوانتر کردووە و ئەمجارە دەستی بۆ بانکە تورکییەکان بردووە، ئەمەش وەک وەڵامێک بۆ تێوەگلانی ئەو بانکانە لە سپیکردنەوەی پارە بۆ هێزی قودسی سوپای پاسداران و تێکدانی شەفافییەتی سیستەمی دارایی.

بەشێک لەو چەکدارە داعشانەی هەڵگری ڕەگەزنامەی تورکیان و چەندین ساڵ لە زیندانەکانی سووریادا ڕاگیرابوون، پاش ئەوەی لە سەرەتای ساڵی 2026دا بۆ عێراق گوازرانەوە، بۆ تورکیا گەڕێندرانەوە.