حوسییەکان مووشەکی خەیبەرشکێنی ئێرانی پەرە پێدەدەن

پووختەى هەواڵەکە

حوسییەکان مووشەکی خەیبەرشکێنی ئێرانی پەرە پێدەدەن.
حوسییەکان پێکهاتە مووشەکییەکان لە چینەوە هاوردە دەکەن.
حوسییەکان دەتوانن مەودای مووشەکەکانیکان بۆ 1930 کیلۆمەتر زیاد بکەن.

دەزگای توێژینەوە چەکدارییەکان، کە ڕێکخراوێکی سەربەخۆی چاودێریکردنی چەکی سەربازییە و بنکەکەی لە بەریتانیایە، ڕایگەیاندووە، لە ڕێگەی ئەم پەرەپێدانەوە دەتوانرێت مەودای مووشەکەکە بگاتە نزیکەی 1930 کیلۆمەتر.

زانیارییەکان لە یەمەنەوە دزەى کردووە

ڕاپۆرتەکە لەسەر بنەمای ئەو زانیارییانە داڕێژراوە، کە لەلایەن دەسەڵاتدارانی یەمەنەوە لە مانگی تەمموزی ساڵی ڕابردوودا پێشکەشکراون.
دوای ئەوەی دوو بار لە ساڵی 2025 دەستیان بەسەردا دەگیرێت، کە یەکێکیان ئامێری مووشەکیی تێدابووە و لە نێو کاڵای دیکەدا شاراوەتەوە، بە مەبەستی گەیاندنی بە حوسییەکانی یەمەن.
پێکهاتەکانی ئەو بارەش بریتی بوون لە پارچەی کانزایی، بزوێنەر و دابینکەری وزەی هەڵدان.
وەکو سووتەمەنیی ڕەق، ئامێری تاقیکردنەوە و کەرەستەی خاوی دیکە، کە لە دروستکردنی مووشەکی بالیستیکیدا بەکاردەهێنرێن.
ئەمە جگە لە ماددەیەکی پارێزەر لە گەرمی، کە بۆ پاراستنی پێکهاتەی مووشەکەکان لەو گەرمییە بەرزەدا و لە کاتی هەڵدانیدا سوودی لێ دەبینرێت.

لە مانگی تەمموزی ساڵی ڕابردوو، ڕۆژنامەی وۆڵ ستریت جۆرناڵی ئەمریکی لە زاری بەرپرسانی ئەمریکاوە بڵاویکردەوە، ئێران مووشەکی "خەیبەر شکێن" بە مەودای هەزار و 400 کیلۆمەتر، لە هێرشەکاندا بۆ سەر ئامانجەکانی ئەمریکا لە ڕۆژهەڵاتی ناوەڕاست بەکاردەهێنێت

ئەم مووشەکانە بە تێچووی کەم، ئاسانی لە گواستنەوە و وردیی لە پێکانی ئامانجەکانی دەناسرێنەوە؛ کە بە سووتەمەنیی ڕەق کار دەکەن.