ئاکن گویرلەک، وەزیری دادی تورکیا لە دیمانەیەکدا لەگەڵ ئاژانسی ئەنادۆڵ ڕایگەیاند، بەردەوامن لە یەکلاکردنەوەی دۆسیەی بکەر نادیارەکان، کە تایبەتە بە دۆسیەی ئەو کەسانەی لە چەند ساڵی ڕابردوودا کوژراون یان بریندارکراون و بکوژ و تاوانبارەکان نادیارن.

بەڕێوەبەرایەتیی کارەبای سلێمانی، لە ڕوونکردنەوەیەکدا لە بارەى کوژانەوەی کارەبای ماڵان دەڵێت، دوای دەرچوونی پسوڵەی مانگانە و دوای 50 ڕۆژ لە دابەزینی لە سیستمی ئی پسوڵە، ئەگەر هاوبەش پارە نەدات، کارەباکەی دەکوژێتەوە.

کاروان ستوونى، گوتەبێژى بەڕێوەبەرایەتى حەج و عومرە بە کەناڵ8ـى ڕاگەیاند، ماوەى چەند ساڵێکە داوایان لە دەستەى حەجى عێراقى کردووە ژمارەى حاجییانى هەرێمى کوردستان بۆ هەر ساڵێک زیاد بکەن، ئەگەرچى باس لەوەکراوە کە 345 کەس بۆ هەرساڵێک زیادکراوە بەڵام تاوەکو ئێستا بەنوسراوى فەرمى بەدەستیان نەگەیشتووە.

هێمن میرانی، بەڕێوەبەری گشتیی دیوانی وەزارەتی ناوخۆ بە کەناڵ8ـى ڕاگەیاند، یەکێک لە درۆنەکان بۆ ئاگرکوژاندنەوە بەکاردێت و چوار کاتژمێر توانای فڕینی هەیە و دەتوانێت بۆ زیاتر لە سێ هەزار و 500  مەتر بەرزببێتەوە و 300 کیلۆگرام بار هەڵبگرێت، جگە لەوەی دەتوانێت بە سۆندە ئاو بۆ زیاتر لە سێ هەزار مەتر بەرزبکاتەوە.

بەڕێوەبەرایەتیی ئاسایشی هەولێر لە ڕوونکردنەوەیەکدا ساتى ڕووداوەکەى لە ديمەنى کامێراکانى چاودێرى و  دەستگیرکردنى تۆمەتبارەکە بڵاوکردەوە.

فەرمانگەی میدیا و زانیاری حکومەتى هەرێمی کوردستان ڕایگەیاند، سبەی شاندی باڵای دانوستانکاری حکومەتی هەرێمی کوردستان سەردانی بەغدا دەکات.