زانیارییەک گەیشتووە بە کەناڵ8 کە ئاشکرای دەکات، بەشێکی زۆر لە خاوەن کارگەکانی هەولێر بەهۆی زیادبوونی خەیاڵیی قەرزی کارەباکانیان مانیان گرتووە. کارگەکان کە پێشتر بڕە پارەیەکی دیاریکراویان لەسەر بووە، ئێستا تێچووەکانیان بۆ زیاتر لە 10 هێندە بەرزبووەتەوە، ئەمەش هەڕەشەی لەکارکەوتنی پیشەسازی ناوخۆیی و بێکاربوونی سەدان کرێکار دەکات.

ساڵانە لەگەڵ بەرزبوونەوەی پلەکانی گەرما، سەدان دۆنم دارستان و پوش و پاوان لە هەرێمی کوردستان بەهۆی 6 هۆکاری سەرەکییەوە دەسووتێن. ئەم ڕووداوانە کە زۆربەیان لە کۆنتڕۆڵ دەردەچن، زیانی گەورە بە ژینگەی ناوچەکە دەگەیەنن و تیمەکانی بەرگری شارستانی رووبەڕووی ئاستەنگی زۆر دەکەنەوە.

لە سەنتەرى شارۆچکەى خەبات هێزێکى سەر بە دژەتیرۆر لە هەولێر هەڵدەکوتنە سەر ماڵى ئەفسەرێکى وەزارەتى پێشمەرگە کە سەر بە عەشیرەتى هەرکییە.

ناکۆکی لە نێوان دەستەی دەروازە سنوورییەکانی عێراق و گومرگی هەرێم لەسەر ژمارەی ڕێڕەوە داخراوەکان دروستبووە. لە کاتێکدا بەغداد باس لە داخستنی 20 ڕێڕەوی نوێ دەکات، هەرێم دەڵێت ئەو شوێنانە چەندین ساڵە داخراون. ئێستا لیژنەیەکی تەکنیکی ئامادەکاری دەکات بۆ وردبینیکردن لە شەش دەروازەی دیکە کە تەنیا لای حکومەتی هەرێم بە فەرمی دەناسرێن تاوەکو چارەنووسیان بۆ مامەڵەی فیدراڵی یەکلایی بکرێتەوە.

کۆمپانیای گەڵف کیستۆن بە فەرمی بەرهەمهێنان و هەناردەکردنی نەوتی لە کێڵگەی شێخان دەستپێکردووەتەوە. ئەم هەنگاوە دوای ئەوە دێت کە کۆمپانیاکە لە مانگی شوباتەوە بەهۆی ئاڵۆزییە ئەمنییەکان و جەنگی ناوچەکە، ئاستی بەرهەمهێنانی بۆ کەمترین ئاست دابەزاندبوو. ئێستا پاش درێژکردنەوەی ڕێککەوتنە سێقۆڵییەکان، کۆمپانیاکە توانیویەتی ئاستی بەرهەمهێنانی ڕۆژانە بگەڕێنێتەوە بۆ 40,000 بەرمیل و دڵنیاییش دەدات کە پارەدانەکان بەبێ دواکەوتن بەردەوامن.

لە یاریی نێوان ئامەدسپۆر و کۆجاعەلیسپۆر، هاندەرانی یانە تورکییەکە سوکایەتییان بە کورد کرد و هاندەرانی ئامەدسپۆریش بە دروشمەکانی "ژن، ژیان، ئازادی و کوردین ئەم" وەڵامیان دانەوە. داواکاریی گشتیش، بڕیاری دەستگیرکردنی بۆ 5 کەس دەرکرد، کە سوکایەتییان بە کورد کرد.