زانیارییەک گەیشتووە بە کەناڵ8 دەریدەخات، سەرۆکی دەستەی دەستپاکی عێراق لە وێستگەی یەکەمی سەردانەکەیدا بۆ کەرکووک، دۆسیەی ئەو 40 فەرمانبەر و ئەفسەرە پلە باڵایانە تاوتوێ دەکات کە لە ماوەی سێ مانگی ڕابردوودا بە تۆمەتی گەندەڵی و بەرتیل وەرگرتن دەستگیرکراون. ئەم سەردانە لە کاتێکدایە کە هەڵمەتێکی توندی لێپێچینەوە لە فەرمانگەکانی شارەکە بەڕێوەدەچێت.

کاروان ستوونى، گوتەبێژى حەج و عومرەى هەرێمى کوردستان، لە ڕاگەیێنراوێکدا ئاشکرایکرد، بۆ ئەمساڵ مەرجى تەمەن هەڵگیراوە و ئەو کەسانەى تەمەنیان لە سەروو 70 ساڵییەوەیە، دەتوانن بەبێ هیچ کێشەیەک خۆیان تۆمار بکەن و بەساڵاچووانیش چانسى زیاتریان پێدەدرێت.

بەپێی راگەیێندراوی نووسینگەی سەرۆکوەزیرانی عێراق، کە ئەمڕۆ پێنجشەممە 6-8-2026 بڵاوکراوەتەوە دەریدەخات حکومەتی عێراق و هاوپەیمانیی بەڕێوەبردنی دەوڵەت بڕیارێکی توندیان دەرکردووە بۆ کۆنترۆڵکردنی چەک و کۆتاییهێنان بە گرووپە چەکدارەکان، بەجۆرێک لەمەودوا هەر کەس و لایەنێک چەکی لە دەرەوەی دامەزراوە فەرمییەکان بێت، وەک تاوانباری تیرۆر مامەڵەی لەگەڵدا دەکرێت.

بەگوێرەی ئەو زانیارییانەی دەست کەناڵ8 کەوتووە، سەرۆکی هەرێمی کوردستان لە بەغداد لەگەڵ سەرۆکوەزیرانى عێراق کۆبووەوە و بەشداریی لە کۆبوونەوەی هاوپەیمانیی بەڕێوەبردنی دەوڵەت کرد.

نێچیرڤان بارزانی، سەرۆكی هەرێمی كوردستان، فەرمانى هەرێمى بۆ بەرزكردنەوەى پلەى 910 پلەداری ئەنجوومەنی ئاسایشی هەرێمی كوردستان واژۆ كرد.

بەگوێرەی ئەو زانیارییانەی دەست کەناڵ8 کەوتوون، ئەو کەسەی بە تۆمەتی کردنەوەی ئاگرەکەی سنووری قەرەداغ دەستگیرکرا، بە گوێرەی ماددەی 22 لە یاسای دارستان لە هەرێمی کوردستان – عێراق سزا درا.