بەگوێرەی زانیارییەک، کە بە کەناڵ8 گەیشتووە، سەروەر عەلی، گوتەبێژی عەلوەی سلێمانی ڕایگەیاندووە، ئەمساڵ بەرهەمی سەوزەواتی ناوخۆیی لە ئاستی پێداویستی زیاتر بووە و 90٪ـی خواستی پڕکردووەتەوە، بۆیە بەشێکی زۆری ئەو بەرهەمانە ڕەوانەی بازاڕەکانی ناوەڕاست و خوارووی عێراق کراون.

زانیارییەک گەیشتووە بە کەناڵ8 کە ئاماژە بە دەستپێکردنی گەورەترین فێستیڤاڵی ناوخۆیی لە سەیدسادق دەکات، کە تێیدا سەرچاوەی ئاوی "حەسار" لە شوێنێکی پشتگوێخراوەوە بووەتە مەیدانی ساغکردنەوەی ڕەنجی جووتیارانی شارەزوور و نمایشی کولتووری و هونەریی ناوچەکە.

زانیارییەک گەیشتووە بە کەناڵ8 کە ئاماژە بە داڕمانی کەرتی پەلەوەر لە سنووری سلێمانی و هەڵەبجە دەکات، بە جۆرێک خاوەن کێڵگەکان لە هەر کیلۆیەکى مریشک 500 دینار زیان دەکەن و هۆشداری لە نەمانی بەرهەمی ناوخۆیی و گرانبوونی نرخەکان دەدەن.

هەرێمی کوردستان لە ئێستادا وەک سەبەتەی خۆراک بۆ عێراق کار دەکات و بەشێکی زۆری بەرهەمە کشتوکاڵییە زیادەکانی ڕەوانەی پارێزگاکانی ناوەڕاست و خواروو دەکات. ئەم گەشەسەندنە دوای پلانەکانی وەزارەتی کشتوکاڵ دێت بۆ یەکخستنی پڕۆژە ستراتیژییەکان و پاڵپشتیکردنی کەرتی تایبەت. ئێستا بەشێک لە بەرهەمە خۆماڵییەکان، وەک هەنگوین و پەتاتە، ڕێگەی هەناردەکردنیان بۆ وڵاتانی کەنداو و بازاڕە جیهانییەکان بۆ کراوەتەوە.

بەگوێرەی زانیارییەک کە بە کەناڵ8 گەیشتووە، بەرهەمی باخەکانی شنۆ بەهۆی بەرزی کوالێتییەکەیان تەنیا لە ئاستی ناوخۆدا نامێننەوە، بەڵکو بەشێکی بەرچاویان هەناردەی ڕووسیا، هیندستان، پاکستان، وڵاتانی کەنداو، ئاسیا و ئەوروپاش دەکرێن.

زانیارییەک گەیشتووە بە کەناڵ8 کە بڕیارە ڕۆژی چوارشەممە زیاتر لە 49 ملیار دینار وەک شایستەی دارایی گەنمی ساڵی ڕابردوو بۆ جووتیارانی کەرکووک خەرج بکرێت. ئەم بڕە پارەیە لە ڕێگەی لقی کەرکووکی کۆمپانیای گشتی بۆ بازرگانیی دانەوێڵە دابەش دەکرێت و بەشێکی دیکە لە قەرزەکانی جووتیاران دەپەڕێنێت. ئێستا سایلۆی کەرکووک ئامادەکاری تەواوی کردووە بۆ ئەوەی پڕۆسەی دابەشکردنەکە بەبێ گرفت دەستپێبکات.