پووختەى ڕاپۆرتەکە

• وەرزی تەکاندنی گوێزە لە پارێزگای مووشی باکوری کوردستان.
• جووتیارانی ناوچەکە دەستیان بە پرۆسەی دروێنەکردنی گوێز کردووە.
• (گوێز) یەکێکە لە بەرهەمە سەرەکی و ناودارەکانی پارێزگاکە.

---

پارێزگای موشی باکووری کوردستان کە بەهۆی بە پیتی خاکەکەی، زەوییەکی کشتوکاڵی بەرفراوان و ژێرخانێکی بەهێزی بەرهەمهێنان، وەک یەکێک لە ناوچە هەرە گرنگ و خاوەن تواناکانی کەرتی کشتوکاڵ دادەنرێت.

---

دروێنەى گوێز لە مووشى باکوورى کوردستان

• گوێز یەکێکە لە بەرهەمە سەرەکی و ناودارەکانی پارێزگاى مووش.
• بۆن و تامێکی تایبەت و توێکڵێکی تەنک و ڕێژەیەکی بەرزی ڕۆن و پڕبوونی ناوکەکەی لە بەرهەمی ناوچەکانی دیکەی جیا دەکاتەوە.
• بەهۆی بەرزی ناوچەکە لە ئاستی دەریاوە و فێنکی کوێستانەکانی مووش لە هاویندا، دار گوێزەکان لە ژینگەیەکی زۆر تەندروست و سروشتیدا گەشە دەکەن.
• پرۆسەی دروێنەکردنەکە بە شێوەیەکی سەرەکی لە گوندەکانی ناوچەی ناوەڕاست چڕبووەتەوە.
• بریتین لە گوندەکانی تۆنوس، شینیک، شوشنامێرگ، گەلیێ گۆزان، ئاگری، خێتینک، چەرمووک، کۆران و باخچە.
• جووتیاران سود لە شێوازە کۆن و ڕەسەنەکان وەردەگرن بۆ کۆکردنەوەی گوێزەکان لە دارەکانی بناری گردەکان.
• پاش کۆکردنەوەیان، توێکڵە سەوزە دەرەکییەکە لادەبەن و گوێزەکان لە ژێر خۆر دادەنێن بۆ ئەوەی وشک ببنەوە.

لە پارێزگاکە، بێجگە لە گوێز، گەنم، جۆ، شەکر، گوڵەبەڕۆژە، پەتاتە و کەلەرم لە ڕووبەرێکی بەرفراواندا بەرهەم دەهێنرێن، هەروەها بەهۆی لەوەڕگە دەوڵەمەندەکانی سەر چیاکان، ناوچەکە لە بوارەکانی ئاژەڵداری، بەرهەمە شیرییەکان، و هەنگوینیشدا گەشەکردنی بەهێزی بەخۆیەوە بینیوە.