ئاژانسی هەواڵی فرانس پرێس لە زاری سەرچاوەکانییەوە ڕایگەیاند، دەنگدانی سەرەتایی بۆ هەڵبژاردنی سکرتێری گشتیی نەتەوەیەکگرتووەکان، بەبێئەنجام کۆتاییهاتووە و هیچکام لە حەوت بەربژێرەکە نەیانتوانیوە لە ڤیتۆی وڵاتانی خاوەن دەسەڵات ڕزگاریان ببێت، ئەمەش وادەکات دەرگا بەڕووی بەربژێرانی دیکەدا واڵا بکرێت.

دۆناڵد ترەمپ، سەرۆکی ئەمریکا لە بانگەشەی هەڵبژاردندا لە شاری داڵتۆنى ویلایەتی جۆرجیا بە لایەنگرانى گوت "ئەگەر تووشی کەسێکی ڕۆژهەڵاتی ناوەڕاست بوون و دڵنیا نەبوون لە ناوەکەی، دەتوانن ناوی لێبنێن محەممەد". ئاماژەی بەوەشکرد، "65% چانسى ئەوەت هەیە ڕاست بیت". ئەمەى وەک ئاماژەیەک بۆ ناوى بەرپرسانى ئێران بەشێوازێکى گاڵتەئامێزانە خستەڕوو، گوایە زۆرینەیان ئەو ناوەیان هەیە.

ئۆتۆمبێلەکە توانای بازدان و فڕینی کورتخایەنى هەیە لە ڕێگەی بزوێنەری مووشەکیی گازە ساردەکان بۆ خۆدەربازکردن لە مەترسییەکی کتوپڕ و هەنوکەیی.

کەیتی زەکەریا کە لە سەرەتای ساڵانی 2010دا لە چین ژیاوە، لە چاوپێکەوتنێکی میدیایدا ئەزموونی خۆی لەو وڵاتە گێڕایەوە و گومانی لەو پێشبینیانە کرد کە دەڵێن، پەکین دەتوانێت لە ڕووی پێشکەوتنەوە واشنتن تێپەرێنێت و گوتی: "لە ساڵی 2016 ئەو بۆچوونە باو بوو کە چین لەسەر ڕێگەیە بۆ ئەوەی پێش ئەمریکا بکەوێت"، بەڵام ئەو گومانی لەو تێڕوانینە کرد و گوتی:"چینییەکان تەنانەت ئاودەستی گونجاویشیان نییە، چۆن دەتوانن ببنە وڵاتی پێشەنگی جیهان".

لە دیمانەیێکیدا لەگەڵ کەناڵی 'نیوزماکس'، ترەمپ جەختی کردەوە کە چەکی ئەتۆمی دژ بە ئێران بەکارناهێنێت، جەختی لەوەشکردەوە، ئەمریکا دەیەوێت دڵنیابێت لەوەی ئێران هەرگیز نابێتە خاوەنی چەکی ئەتۆم، چونکە ئەگەر ئەو چەکە کوشندەیەیان دەستبکەوێت، بەکاریدەهێنن.

زێلێنسکی لە وتارێکدا لە لووتکەی یەکێتیی ئەورووپا لە برۆکسل گوتی: "جەنگ لە ساڵی داهاتوودا 155 ملیار یۆرۆی تێدەچێت، لانیکەم 70 ملیار یۆرۆی دیکەمان پێویستە بۆ بەرگری و چەک" و داوای لە هاوپەیمانەکانی کرد، یارمەتییان بدەن بە دابینکردنی ئەو بڕە پارەیە بۆ ڕاگرتنی ڕووسیا.