پووختەی هەواڵەکە

• ماکرۆن: هیچ شتێک پاساو بۆ توندوتیژیی بێ ئەندازەی خۆپیشاندانەکان ناهێنێتەوە
• وەزارەتی ناوخۆی فەڕەنسا: ڕۆژی شەممە دوو هەزار کەس لە خۆپیشاندەران دەستگیرکراون
• وەزارەتی ناوخۆی فەڕەنسا: نزیکەی هەزار پۆلیس و کارمەندی هێزە ئەمنییەکان بریندار بوو.

---

ئیمانوێل ماکرۆن، لە وتارێکدا بۆ گەلی وڵاتەکەی، ئاماژەی بەوەکرد، هەمووان هەست بە تووڕەیی و شەرمەزاری دەکەن و بەپێویستی زانی جیاوازی بکرێت لەنێوان ئەو خۆپیشاندەرانەی داواکاریی ڕەوایان هەیە لەگەڵ ئەوانەی کە وێرانکاریی و تاڵانی دەکەن.

---

ماکرۆن توڕەیە

• ماکرۆن: ئەوانەی کاری تێکدەرانەیان کردووە دەبێت باجەکەی بدەن.
• بەڵێنیشی دا حکومەت هیچ سازشێک بەرامبەر بەوانەی ئاژاوەگێڕییان کردووە، ناکات.
• "هیچ شتێک پاساو بۆ ئەو توندوتیژییە بێوێنە و بێ ئەندازەیە ناهێنێتەوە و هیچ شتێکیش لێخۆشبوون ناهێنێتە ئاراوە".
• بەرپرسانی باڵای وڵاتەکە بە هەماهەنگی لەگەڵ سەرۆکشارەوانییەکاندا بڕیاری پێویست بۆ پاراستنی شارەکان، باڵەخانە گشتیی و بازرگانییەکان دەدەن.
• "بینینی شەقامەکانی شارەکانمان بەوشێوەیە کە ڕووبەڕووی تاڵانی بووەتەوە مایەی نیگەرانییە".
• بەڵێنی پشتیوانیشی بەو شوێنکارە بازرگانییانە دا کە زیانیان بەرکەوتووە.
• داوای لە لۆرانت نونێز، وەزیری ناوخۆی وڵاتەکەی کردووە. ڕێکاری پێویست بگرێتەبەر، بەتایبەت لەبارەی کۆکردنەوەی زانیاریی هەواڵگری.

وەزارەتی ناوخۆی فەڕەنسا ڕایگەیاند، ڕۆژی شەممە نزیکەی دوو هەزار و 400 کەس لە فەڕەنسا دەستگیرکراون و نزیکەی هەزار پۆلیس و کارمەندی هێزە ئەمنییەکان بریندار بوون، کە برینی حەوتیان سەختە.

زانیاریی زیاتر بۆ تۆ

فەڕەنسا و خۆپیشاندان؛ پەیکەر و دامەزراوە مێژووییەکان بەئامانج گیراون