فەڕەنسا و خۆپیشاندان؛ پەیکەر و دامەزراوە مێژووییەکان بەئامانج گیراون

بەنزیکەی یەک مانگە خۆپیشاندانی خوێندکاران سەرانسەری فەڕەنسای گرتووەتەوە
خۆپیشاندانی ئاشتەواییانە گۆڕاوە بۆ کاری تێکدەرانە و گرژی و ئاڵۆزی دروستبوون
خۆپیشاندەران پەیکەر و دامەزراوە مێژووییەکانیان کردووەتە ئامانج

دیارترین ئەو شوێنەوار و دامەزراوانەی کراونەتە ئامانج:

دامەزراوە مەدەنییەکان
شارەوانییە مێژووییەکان
سیمبولە نیشتمانییەکان

دیارترین ئەو دامەزراوانەی زیانی گەورەیان پێ گەیشتووە:

باڵەخانەی شارەوانیی لەمۆجز: لەناوچوونی باڵەخانەیەکی تەلارسازی، کە تەمەنی دەگەڕێتەوە بۆ زیاتر لە 140 ساڵ لەمەوبەر و بە یەکێک لە دیارترین پێگە مێژووییەکانی شارەکە دەستنیشان کراوە
نوسینگەی گەشتیاریی لیۆن: تەمەنی 174 ساڵە و سووتێنراوە، پەیکەر و تەلارسازیی مێژوویی لەخۆدەگرێت
باڵەخانەی شارەوانیی مارسیلیا: دووچاری تێکدان و تاڵانکاریی بووەتەوە، تەمەنی 353 ساڵە و شێوازی تەلارسازیی بارۆکی هەیە و بە مۆنیۆمێنتێکی نیشتمانیی دەستنیشان کراوە

پاش سەرکەوتنی شۆڕشی فەڕنسا لە کۆتاییەکانی سەدەی 18ی زایینی، "ماریان" کە خانمێکی قەشەنگە و هێما و سیمبولە بۆ سەرکەوتنی شۆڕش و ئازادی، ئێستا پەیکەر و شوێنەوارەکانی کراونەتە ئامانج.

ئەوەی پێویستە لەبارەی خۆپیشاندانەکانەوە بیزانیت:

خوێندکار، گەنج و هەرزەکاران ڕۆڵی سەرەکییان هەیە لە ڕێکخستنیدا
دەرئەنجامی نەبوونی خزمەتگوزاریی گشتی، بەرزبوونەوەی تێچووی ژیانی ڕۆژانە و پاشخانی ئاڵۆزی سیاسیی وڵاتەکەیە
ڕەخنەکان ئاڕاستەی ئیمانوێل ماکرۆن سەرۆکی وڵاتەکە و حکومەتەکەی دەکرێن
ماوەی مانگێکە بەردەوامە و زیانگەیاندن بە دامەزراوەکان بەردەوامییان هەیە
17ی تشرینی یەکەم سەختترین ڕۆژی خۆپیشاندانەکە بووە تاوەکو ئێستا
بەنزیکەی یەک ملیۆن کەس لە سەرانسەری فەڕەنسا بەشدارن

قەیرانە پەروەردەییەکان:

کەمبوونەوەی ژمارەی مامۆستا
زیادبوونی ژمارەی خوێندکار بۆ هەر پۆلێک
نەبوونی خزمەتگوزاریی لە ناوەندەکانی خوێندن
نەبوونی شێوازێکی شیاو بۆ وەرگرتنی خوێندکار لە زانکۆکان

قەیرانەکانی وزە و دارایی:

کەمکردنەوەی بودجەی وەزارەتەکان
کەمکردنەوەی موچە
کەمکردنەوەی خزمەتگوزارییە گشتییەکان
بەرزبوونەوەی نرخی وزە و سووتەمەنی

ساڵی داهاتوو هەڵبژاردنی سەرۆکایەتییە و ئەم پێشهاتە کاریگەریی سەرەکیی لەسەر دروستدەکات.
چاودێران

ئەم قەیرانە کولتوورییانەی فەڕەنساش بزانە:

سەرۆکی مۆزەخانەی لوڤەر: دۆخمان خراپە

دڵۆپەکردنی مۆزەخانەی لوڤەر بەردەوامە

لوڤەر بە بەرزکردنەوەی نرخ هەوڵ بۆ چاکسازیی دەدات