لوما موسەوی، بەڕێوەبەری گشتیی کۆمپانیای بازرگانیی خۆراک ڕایگەیاندووە، وابڵاوکراوەتەوە گوایە باجی گومرگی سەر خۆراک هەڵگیراوە، بەڵام ڕاستییەکەی دواخستنی وەرگرتنی باجی گومرگییە، چونکە وەرگرتنی باجەکان بە یاسا پەسەندکراوە.

بەگوێرەی کارنامەی دانیشتنی ئەنجوومەنی نوێنەرانی عێراق، لە دانیشتنی ئەمڕۆدا دەنگ لەسەر ئەو نۆ وەزارەتە دەدرێت کە تاوەکو ئێستا پڕ نەکراونەتەوە و لە ماوەی ڕابردوودا بە وەکالەت بەڕێوەدەبران، پەرلەمانتار دیلان غەفوور بە کەناڵ8ـى گوت "تاوەکو شەوى ڕابردوو ناوى بەربژێرەکان نەهاتووە بۆ پەرلەمانتاران".

لە چوارچێوەى سەردانەکانیدا بۆ وڵاتانى دراوسێ، عەلى زەیدى سەرۆکوەزیران سەردانى سعودیەى کرد.

حەیدەر عەبودی گوتەبێژی حکومەتی عێراق، ، ئەمڕۆ چوارشەممە ڕایگەیاند،  کە حکومەت و بانکی ناوەندی پلانێکی داڕێژراویان هەیە بۆ گەیاندنی نرخی دۆلار لە بازاڕی ڕەش بە 1550دینار لە ماوەیەکی نزیکدا.

بەگوێرەى بەدواداچوونەکانى ژوورى هەواڵى کەناڵ8، ناوى بەربژێرانى وەزارەتەکانى بەرگری، ناوخۆ و پلاندانان، خوێندنى باڵا و نیشتەجێبوون، وەرزش و لاوان و کاروبارى کۆمەڵایەتى و ڕۆشنبیرى یەکلایى کراونەتەوە، لەبارەى وەزارەتى کۆچ و کۆچبەران بەهۆى نەسازانى هەریەک لە فراکسیۆنى بابلیون و سۆیانا بەربژێرى وەزارەتەکە هێشتا یەکلایى نەکراوەتەوە.

لە سنووری شارۆچکەى ڕەشاد بۆمبێکی چێندراو بە سوپای عێراقدا تەقییەوە، بەگوێرەى زانیارییە سەرەتاییەکان دوو شەهید و سێ بریندار هەیە، یەکێک لەشەهیدەکان پلەی عەمیدە.