عێراق هەوڵەکانى چڕ کردووەتەوە و چەندین گرێبەستى لەگەڵ کۆمپانیا گەورەکانى ئەمریکا و چین و بەریتانیا و فەڕەنسا کردووە بۆ زیادکردنى بەرهەمهێنانى نەوت.

ئەمینداری عەسائیبی ئەهلی حەق ڕایگەیاند، سەختە و بە تووندی گەمارۆدرانی ئاسمانی، دەریایی و زەمینیی ئێران ڕەتدەکەنەوە و ڕەخنە لە بێهەڵوێستی و بەشداریکردنی عێراق لەو گەمارۆیە دەگرێت.

جێگری سەرۆکی ئەنجوومەنی نوێنەرانی عێراق، ڕەخنە لە بڕیاری ڕاگرتنی گەشتی هێڵە ئاسمانییەکانی ئێران دەگرێت و دەڵێت، ئەو بڕیارە زیانی بۆ ئابووری هەیە و کێ قەرەبوونی زیانەکان دەکاتەوە.

دەستەی دەروازە سنوورییەکانی عێراق لە دەروازەی باکووری بەندەری ئوم قەسر دەستی بەسەر 162 کۆنتێنەری گەورەی پۆشاک و کەرەستەی بەکارهێنراودا گرتووە کە بە قاچاخ هاوردە کرابوون. ئەم بارە بازرگانییە بەبێ هەبوونی مۆڵەتی فەرمی و بەبێ پشکنینی گومرگی و تەندروستی هەوڵی تێپەڕاندنی دراوە، کە بە یەکێک لە گەورەترین هەوڵەکانی قاچاخچێتی لەو بەندەرەدا دادەنرێت.

ئەبو ئالا وەلائی، ئەمینداری گشتیی کەتائیبی سەیدولشوهەدا داوای لە حکومەت و پەرلەمانی عێراق کردووە پابەندبوون بە گەمارۆکانی ئەمریکا دژ بە ئێران ڕەتبکەنەوە و ڕێگە نەدەن ئاسمانی وڵات بەڕووی تاراندا دابخرێت. ئەم فشارە نوێیەی گرووپە چەکدارەکان لە کاتێکدایە کە بە داخستنی فڕۆکەخانەی نەجەف بە فەرمانی سەرۆکوەزیران، دواین دەروازەی ئاسمانیی نێوان هەردوو وڵات بە تەواوی داخرا.

ئەکرەم کەعبی، ئەمینداری گشتیی بزووتنەوەی نوجەبا هۆشداریی داوە ئەگەر گەشتە ئاسمانییەکان لەگەڵ ئێران دەستپێنەکەنەوە، لایەنگرانی لەناو تەواوی فڕۆکەخانەکانی عێراق دەست بە مانگرتن دەکەن. ئەم هەڵوێستە لە کاتێکدایە بەغداد بە فەرمی پابەندبوونی خۆی بە سزاکانی واشنتن لەسەر هێڵە ئاسمانییەکانی تاران ڕاگەیاندووە، ئەمەش گرژییەکی نوێی لەنێوان گرووپە چەکدارەکان و حکومەت دروستکردووە.