بەگوێرەی زانیارییەک، کە بە کەناڵ8 گەیشتووە، لە سنووری شارۆچکەی ئامرلی سەر بە پارێزگای سەڵاحەدین ئاڵوگۆڕ لەنێوان هێزەکانی سوپای عێراق و حەشدی شەعبیدا کرا، فەوجێکی سووپا خاڵێکی سەربازیی لە گوندی بەستاملی بە تەواوی ڕادەستی لیوایەکی حەشدی شەعبی کرد.

بەگوێرەی ئەو زانیاریانەی بە کەناڵ8 گەیشتوون، بەرەبەیانی ئەمڕۆ لەسەر ڕێگای نێوان هەردوو پارێزگای نەینەوا و سەڵاحەدین، ڕووداوێکی سەختی هاتوچۆ لەنێوان پاسێکی گەشتیاری و بارهەڵگرێکدا ڕوویدا، کە بەهۆیەوە 5 کەس گیانیان لەدەستدا و 20 کەسی دیکەش برینداربوون کە زۆربەیان ژن و منداڵن.

سەرۆکى ڕاگەیاندنى شانەى ئەمنیی عێراق دەڵێت، بڕیارى کۆکردنەوەى چەک لە دەستى دەوڵەت، ئەو هێزانە دەگرێتەوە کە نەبەستراونەتەوە بە دامەزراوە ئەمنییەکان، دەشڵێت، بڕیارەکە حەشدى شەعبى و بەشێک لە دامەزراوەى ئەمنی نایگرێتەوە.

وەزارەتی ناوخۆیی عێراق ڕایگەیاند، باندێکی نێودەوڵەتیی ماددەی هۆشبەریان لە ئاوە هەرێمایەتییەکان بە 90 کیلۆ ماددەی کریستاڵەوە دەستگیرکردووە.

زانیارییەک گەیشتووەتە کەناڵ8 کە نیشانی دەدات لە ماوەی کەمتر لە سێ مانگی تەمەنی کابینەی نوێدا، عەلی زەیدی توانیویەتی نیو تۆن زێڕ و سەدان ملیۆن دۆلار لە بەرپرسە باڵاکان وەربگرێتەوە. لە کاتێکدا "هەڵمەتی بەرەبەیان" چەندین سەرکردەی حیزبی و حکومی ڕەوانەی زیندان کردووە، بەڵام سێبەری گرووپە چەکدارەکان و داخستنی گەرووی هوورمز هێشتا وەک گەورەترین هەڕەشە بۆ سەر سەقامگیریی بەغداد ماونەتەوە. ئەم قۆناغە وەک تاقیکردنەوەیەکی سەخت بۆ سەپاندنی یاسا و دەسەڵاتی دەوڵەت لە عێراقدا دەبینرێت.

زانیارییەک گەیشتووەتە کەناڵ8 کە ئاماژە بە بەرزبوونەوەی داهاتی گومرگی عێراق دەکات بۆ ئاستێک کە لە مێژووی دامەزراندنی دەوڵەتی عێراقەوە وێنەی نەبووە. تەنیا لە مانگی تەمموزدا 560 ملیار دینار کۆکراوەتەوە، ئەمەش بەهۆی بەستنەوەی سەرجەم دەروازەکانە بە سیستمی ئەلیکترۆنییەوە بۆ ڕێگری لە خۆدزینەوە لە باج و گومرگ.