پووختەی هەواڵەکە

• حکومەتی عێراق و بانکی ناوەندی لەسەر نرخی دۆلار کۆبوونەوەیەکی گرنگیان کرد
• حەیدەر عەبودی: لە کۆبوونەوەکەدا ڕێککەوتوون لە ڕێگەی پلانێکەوە نرخی دۆلار لە بازاڕی ڕەش لە 1550 دیناردا جێگیر بکەن.

---

حەیدەر عەبودی گوتەبێژی حکومەتی عێراق، ، ئەمڕۆ چوارشەممە ڕایگەیاند،  کە حکومەت و بانکی ناوەندی پلانێکی داڕێژراویان هەیە بۆ گەیاندنی نرخی دۆلار لە بازاڕی ڕەش بە 1550دینار لە ماوەیەکی نزیکدا.

---

گرنگترین خاڵەکانی لێدوانی گوتەبێژی حکومەتی عێراق بۆ ئاژانسی هەواڵی عێراقی:

• عەبوودی ئاماژەی بەوە کرد، کە ئەم هەنگاوە پشت بە یەدەگێکی دارایی پێویست و مسۆگەر لە بانکی ناوەندی دەبەستێت، کە یارمەتیدەر دەبێت بۆ دابینکردنی پارەی بازرگانی دەرەکی و پێداویستییەکانی هاوردەکردن بە شێوەیەکی ئاسان.
• سەبارەت بەو حەواڵانەی کە پێش جێبەجێکردنی نرخی فەرمی ئێستا ئەنجامدراون، ڕوونیکردەوە کە پارەی پێویست لەسەر بنەمای نرخی پێشوو بۆ ڕاییکردنیان و جێبەجێکردنی پابەندبوونە داراییەکان دابینکراوە.
• ئەنجومەنی وەزیران لە دانیشتنی بیست و سێیەمی خۆیدا بڕیاریداوە بە بەخشینی ماددە خۆراکییەکان و دەرمانە هاوردەکراوەکان لە ڕسووماتی گومرگی، کە ئەم بڕیارەش لە 7ی تشرینی یەکەمی 2026وە دەچێتە بواری جێبەجێکردنەوە.

ئەوەش لە کاتێکدایە لە ئێستا نرخی 100 دۆلار لە بازاڕەکانی عێراق و هەرێمی کوردستاندا لە دەوروبەری 167 هەزار دیناردایە و جێگیر نییە.

زانیاریی زیاتر بۆ تۆ

بانکی ناوەندیی عێراق: گۆڕانکاری لە نرخی دۆلار بە قازانجی پیشەسازیی ناوخۆییە