دەنگی تەقینەوەیەکی بەهێز لە بەغداد بیسترا
ئامێز عەباس 2 کاتژمێر پێش ئێستا
پووختەی هەواڵەکە
- حەشدی شەعبی: کۆگایەکی تەقەمەنی لەکارکەوتوو لەناو یەکێک لە بنکەکەمان تەقییەوە
- حەشدی شەعبی: لە ڕووداوەکەدا پێنج ئەنداممان بە سوکی برینداربوون.
دەنگی تەقینەوەیەکی بەهێز لە بەغداد بیسترا، دەستەى حەشدی شەعبیش دەڵێت: کۆگایەکی تەقەمەنی لەکارکەوتوو لەناو یەکێک لە بنکەکەیان تەقیوەتەوە بەبێ ئەوەی تاوەکو ئێستا هیچ زیانێکی گیانی هەبێت.
ڕووداوەکە چۆن بووە؟
- پەیامنێرى کەناڵ8 گوتی، دەنگی تەقیینەوەکە لە ناوچەى سەبع ئەبکار لە باکوورى بەغداد بیستراوە کە دەکەوێتە باکوورى شارى بەغداد لە بەرى ڕەسافەوە کە ناوچەیەکى نیشتەجێبوونە.
- دەستەى حەشدی شەعبی لە ڕاگەیێنراوێکدا بڵاویکردەوە، کۆگایەکی تەقەمەنی لەکارکەوتوو لەناو یەکێک لە بنکەکەیان لە ڕۆژهەڵاتی بەغداد تەقییەوە.
- دەستەى حەشدی شەعبی: تەقینەوەکە تاوەکو ئێستا هیچ زیانێکی گیانی نەبووە و تەنیا پێنج کەس برینداربوون.
ئامێز عەباس
2 کاتژمێر پێش ئێستا