پووختەى هەواڵەکە

• وەزارەتی بازرگانیی عێراق: لە هەفتەی داهاتووەوە نرخی گۆشت و مریشک و هێلکە دادەبەزێت.
•  دواخستنی وەرگرتنی باجی گومرگی، هۆکارە بۆ دابەزینی نرخی خۆراک.
• لوما موسەوی: باجی گومرگی هەڵنەگیراوە بەڵکو وەرگرتنی دواخراوە

---

لوما موسەوی، بەڕێوەبەری گشتیی کۆمپانیای بازرگانیی خۆراک ڕایگەیاندووە، وابڵاوکراوەتەوە گوایە باجی گومرگی سەر خۆراک هەڵگیراوە، بەڵام ڕاستییەکەی دواخستنی وەرگرتنی باجی گومرگییە، چونکە وەرگرتنی باجەکان بە یاسا پەسەندکراوە.

---

بڕیارەکانى وەزارەتى بازرگانى عێراق:

• ڕێگەپێدان بە هاوردەکردنی خۆراک و ئاژەڵی زیندوو و مریشک و هێڵکە، بەبێ باجی گومرگی.
• بەشێوەیەکی بەرچاو دەبێتە هۆکاری دابەزینی نرخی خۆراک، هێلکە و مریشک و گۆشتی سوور.
• پێناسی گومرگی پێشتر لەسەر ئاژەڵ 13.5% بووە.
• لابردنی ئەو باجە دەبێته هۆکاری کەمبوونەوەی نرخی گۆشت لە تەواوی پارێزگاکان.
• دابەزینی بەرچاو لەو هایپەر مارکێتانە تۆمار دەکات، کە بەشێوەیەکی هاوبەشی بەڕێوەدەبرێن لە نێوان حکومەت و کەرتی تایبەتدا.
• نرخی تەبەقێک هێڵکە لەو هایپەرە مارکێتانەی حکومەت سەرپەرشتییان دەکات، ئێستا بە 5500 دینارە، لە چەند ڕۆژی داهاتوودا نرخەکان دابەزینی زیاتر تۆمار دەکەن.
• بڕیاری لابردنی باجی گومرگی، مریشک، گۆشت و هێڵکە دەگرێتەوە.
• بەبێ ئەوەی هیچ زیانێک بە هاوڵاتییان بگات، سەرجەم خاوەن کارەکان پابەند دەکرێن بەنرخی گونجاو کەلوپەل بفرۆشن.
• لە کاتی بوونی سکاڵادا، ڕێکاریان لە دژ دەگیرێتەبەر.

زانیاریی زیاتر بۆ تۆ

بڕیارێکى دیکەى زەیدى؛ گومرگ لەسەر خۆراک و دەرمان هەڵگیرا