لە ڕەشاد بۆمبێکی چێندراو بە مەفرەزەیەکى سوپادا تەقییەوە و دوو ئەفسەر شەهیدبوون
کەناڵ8 1 کاتژمێر پێش ئێستا
پووختەى هەواڵەکە
- چالاکییەکانى داعش لە ناوچەکانى سنوورى پارێزگاى کەرکووک زیادیانکردووە.
- سوپاى عێراق چەند ڕۆژێکە کێوماڵى ناوچەکانى دەستپێکردووە.
- جموجووڵەکانى داعش دواى کشانەوەى هاوپەیمانان زیادیکردووە.
زانیاریى ئەوە بە کەناڵ8 گەیشت، کە کاتژمێر 9 و 10 خولەکى بەیانیى ئەمڕۆ بۆمبێکى چێندراو بە یەکەى پەیوەندییەکانى فیرقەى 11ـى سوپاى عێراق تەقیوەتەوە و بەهۆیەوە دوو ئەفسەر شەهیدبوون و سێ سەربازیش بریندار بوون.
چى ڕوویدا؟
- هێزە ئەمنییەکان کێوماڵى ناوچەى دۆڵى زەغیتونیان لە نزیک شارەدێى ڕەشاد کردووە.
- بۆمبێکی چێندراو بە ئۆتۆمبێلێکی سەر بە یەکەی پەیوەندییەکانی فیرقەی 11ـی تەقییەوە.
- عەمید ئاهات یاسر خدر، فەرماندەی یەکەکە و ڕائید معتەز شەهید عەباس شەهیدبوون.
- سێ سەرباز برینداربوون و گواستراونەتەوە بۆ نەخۆشخانە.
تەقینەوەى ئەم بۆمبە دواى ئەوە دێت، دوێنێ هێزی ئاسمانی سوپای عێراق لە وادی زاغیتون لە نزیک گوندی عەواشیرە حەشارگەکانی داعشی بۆردوومان کرد.
زانیاریى زیاتر بۆ تۆ
کەناڵ8
1 کاتژمێر پێش ئێستا