بەربژێری پارتی بۆ جێگری سەرۆکوەزیران دەنگی لەسەر نەدرا و دانیشتنەکە کۆتایی هات

پووختەى هەواڵەکە

268 ئەندام ئامادەی دانیشتنەکەن و نیساب تەواو بووە.
هێشتا پەرلەمانتارانی فراکسیۆنی پارتی بەشداریی دانیشتنەکەیان نەکردووە.
ناڕەزاییی فراکسیۆنی پارتی لەسەر بەربژێری وەزارەتی کۆچ و کۆچبەرانە.

بە گوێرەى زانیارییەک گەیشتووە بە کەناڵ8، دانیشتنى ئەنجوومەنى نوێنەرانى عێراق، بۆ تەواوکردنى کابینە وزارییەکەى عەلى زەیدى، سەرۆکوەزیرانى عێراق، بە ئامادەبوونى زیاتر لە 268 پەرلەمانتار دەستیپێکرد و جگە لە بەربژێرى پارتى بۆ جێگرى سەرۆکوەزیرانى عێراق و پۆستى وەزیرى کۆچ و کۆچبەران، دەنگ لەسەر تەواوى بەربژێرەکان درا و هەریەک لە ڕێباز حەملان، پۆستى وەزارەتى ئاوەدانکردنەوەى پێدرا و موحسین مەندەلاوى، بۆ پۆستى یەکێک لە جێگرانى سەرۆکوەزیرانى عێراق دەنگى پێدرا.

پڕۆسەى دەنگدان بە جێگرانى سەرۆکوەزیران و وەزیرەکان:

بەربژێری پارتی بۆ جێگری سەرۆکوەزیران دەنگی لەسەر نەدرا.
هەریەک لە موحسین مەندەلاوى و لەیس خەزعەلى و محەمەد تەمیم دەنگیان پێدرا بۆ پۆستى جێگرانى سەرۆکوەزیران.
ڕیباز حەملان دەنگى پێدرا بۆ پۆستى وەزارەتى ئاوەدانکردنەوە.
یاسر مالیکى دەنگى پێدرا بۆ پۆستى وەزارەتى ناوخۆ.
نایف شەممەرى دەنگى پێدرا بۆ پۆستى وەزارەتى بەرگرى.
سەفا کینانى دەنگى پێدرا بۆ پۆستى وەزارەتى وەرزش و لاوان.
قوتەیبە غازى دەنگى پێدرا بۆ پۆستى وەزارەتى پلاندانان.
حەیدەر بەها دەنگى پێدرا بۆ پۆستى وەزارەتى خوێندنى باڵا و توێژینەوەى زانستى.
یاسین عیساوى دەنگى پێدرا بۆ پۆستى وەزارەتى ڕۆشنبیری.
محەمەد موسەوى دەنگى پێدرا بۆ پۆستى وەزارەتى کار و کاروبارى کۆمەڵایەتى.
محەمەد دەڕاجى دەنگى پێدرا بۆ پۆستى وەزارەتى ئابووری ژمارەکان.
عەلى عەبدولهادى دەنگى پێدرا بۆ پۆستى وەزارەتى گەشتوگوزار
محەمەد سەمعان دەنگى پێدرا بۆ پۆستى وەزارەتى دەوڵەت.

سیڤى جێگرانى سەرۆکوەزیرانى عێراق:

فارس بریفکانى

د. فارس سدیق نوورى بریفکانى.
1970 لە موسڵ لەدایکبووە.
ماستەر لە کۆلێجى پزیشکى زانکۆى موسڵ.
دوو خوول پەرلەمانتار بووە.
2017 کراوە سەرپەرشتیارى دۆسیەى تەندروستیی نەینەوا.
ئەندامى خوولى پێنجەمى ئەنجوومەنى پارێزگاى نەینەوا.
2024 لە ئەندامێتى ئەنجوومەنى پارێزگا دەستیلەکارکێشاوەتەوە.
2026-10-15 بە جێگرى سەرۆکوەزیران هەڵبژێردراوە.

موحسین مەندەلاوى

موحسین عەلى ئەکبەر مەندەلاوى.
کوردى فەیلییە.
1968 لە مەندەلى لەدایکبووە.
بەکالۆریۆسى لە ڕاگەیاندن هەیە.
2021 بووە بە پەرلەمانتار.
2022- 2025 جێگرى سەرۆکى ئەنجوومەنى نوێنەران.
2023-2024 سەرۆکى ئەنجوومەنى نوێنەران بە وەکالەت.
سەرۆکى هاوپەیمانیی ئەساسە.
یەکێکە لە سەرکردەکانى چوارچێوەى هەماهەنگى.
2026-10-15 بە جێگرى سەرۆکوەزیران هەڵبژێردرا.

محەممەد تەمیم

محەممەد عەلى تەمیم.
1974 لە کەرکووک لە دایکبووە.
2003 سەرۆکى زانکۆى کەرکووک.
2010-2014 وەزیرى پەروەردە.
2022-2026 وەزیرى پلاندانان.
لە هەر شەش خوولەکەدا پەرلەمانتار بووە.
2026-10-15 بە جێگرى سەرۆکوەزیران هەڵبژێردرا.

لەیس خەزعەلى

لەیس هادى سەید خەزعەلى.
براى قەیس خەزعەلى ئەمیندارى عەسائیبى ئەهلى حەق.
دکتۆرا لە زانستیی سیاسى.
یەکێکە لە دامەزرێنەرانى عەسائیبى ئەهلى حەق لە 2006.
2007 لەلایەن هێزەکانى بەریتانیاوە دەستگیرکراوە.
2019 خراوەتە لیستى سزاکانى ئەمریکا.
2020 لەلایەن ئەمریکاوە خراوەتە لیستى تیرۆریستە جیهانییەکان.
2026-10-15 بە جێگرى سەرۆکوەزیران هەڵبژێردرا.

سیڤى وەزیرەکان:

یاسر مالیکى

یاسر عەبد سخیل محەممەد حسین مالیکى.
1980 لە کەربەلا لەدایکبووە.
بەکالۆریۆسى لە یاسادا هەیە.
2010 بووەتە پەرلەمانتار.
چوار خوول پەرلەمانتار بووە.
2007-2014 لە نووسینگەى سەرۆکوەزیران بووە.
لە 2022 ەوە سەرۆکى فراکسیۆنى هاوپەیمانیی دەوڵەتى یاسایە.
2014-2018 ئەندامى لیژنەى وەرزش و لاوان.
2018-2021 ئەندامى لیژنەى خوێندنى باڵا.
2021-2026 ئەندامى لیژنەى پەیوەندییەکانى دەرەوە.
2026-10-15 بە وەزیرى ناوخۆ هەڵبژێردراوە.

ڕێباز حەملان

ڕێباز محەممەد عەبدوڵا حەملان.
1981 لە سلێمانى لەدایکبووە.
بە کالۆریۆسى لە یاسادا هەیە.
2014-2019 وەزیرى دارایی هەرێمى کوردستان.
2017-2019 وەزیرى کشتوکاڵ بە وەکالەت.
2021-2022 سەرۆکى ئەنجوومەنى ڕاژە.
2019-2024 یاریدەدەرى سەرۆکوەزیرانى هەرێمى کوردستان.
2024-2025 بریکارى وەزارەتى ئابووریی عێراق.
2026-10-15 بە وەزیرى ئاوەدانکردنەوە هەڵبژێردرا.

نایف موکەیف شنان شەممەرى

1968 لە شارەدێى ڕەبیعەى موسڵ لەدایکبووە.
بەکالۆریۆس لە زانستیی سەربازى.
چەندین پۆستى لە فەرماندەیی ئۆپراسیۆنەکان هەبووە.
2014 بووە بە پەرلەمانتار.
چوار خوول پەرلەمانتاربووە.
2024 پەیوەندى بە هاوپەیمانیی حەسم کردووە.
2026-10-15 بە وەزیرى بەرگری هەڵبژێردرا.

حەیدەر بەها ساحب عەلى

1974 لەدایکبووە.
1997 بەکالۆریۆسى لە دەرمانخانەدا بەدەستهێناوە.
توێژەر و تایبەتمەند لە زانستی دەرمان.
ڕاگرى کۆلێجى دەرمانخانە لە زانکۆى نەهرەین.
ناسناوى پرۆفیسۆرى هەیە.
ئەندامى لیژنەى زانستى لە سەندیکاى دەرمانسازانى عێراق.
2026-10-15 بە وەزیرى خوێندنى باڵا هەڵبژێردرا.

یاسین عیساوى

یاسین محەممەد حەمەد عیساوى.
1971 لە بەغداد لەدایکبووە.
دکتۆرا لە زانستە سیاسییەکان.
مامۆستا لە کۆلێجى زانستە سیاسییەکانى زانکۆى بەغداد.
2021 بریکارى وەزارەتى خوێندنى باڵا.
2022 بووە بە پەرلەمانتار.
2024 پەیوەندى بە هاوپەیمانیی عەزم کردووە.
2026-10-15 بە وەزیرى ڕۆشنبیرى هەڵبژێرا.

عەلى دوخەیلى

عەلى عەبد هادى محەممەد شەنون دوخەیلى.
1978 لە زیقار لەدایکبووە.
دکتۆرا لە کارگێڕى کار و پلانى ستراتیجى.
سەرۆکى دەستەى وەبەرهێنان لە زیقار.
جێگرى سەرۆکى یەکێتیی پیشەسازییەکانى عێراق.
25 ساڵ خزمەتى لە فەرمانگەکانى دەوڵەت هەیە.
2026-10-15 بە وەزیرى گەشتوگوزار هەڵبژێردرا.

محەممەد ساحب دەراجى

1971 لە دایکبووە.
2001 ماستەرى لە ئەندازیاریی شارستانى هەیە.
2010 و 2014 بە پەرلەمانتار هەڵبژێردراوە.
2010-2014 وەزیرى ئاوەدانکردنەوە بووە.
2015-2016 وەزیرى پیشەسازى بووە.
2026-10-15 بە وەزیرى ئابووریی دیجیتاڵى هەڵبژێردرا.

سەفا کەنانى

سەفا مەهدى ساڵح کەنانى.
سیاسى و ئەکادیمى.
بەڕێوەبەرى نووسینگەى تایبەتى عەممار حەکیم.
دکتۆرا لە زانستى سیاسى.
2026-10-15 بە وەزیرى وەرزش و لاوان هەڵبژێردرا.

محەممەد سەمعان

محەممەد سەمعان کەنعان یوسف.
1982 لە کەرکووک لەدایکبووە.
بەکالۆریۆس لە زانستى کۆمپیوتەر.
سەرۆکى بەرەى تورکمانى.
2018-2023 بەڕێوەبەرى خانەنشینى کەرکووک.
2026-10-15 بە وەزیرى دەوڵەت هەڵبژێردرا.

محەممەد ڕەعد مووسەوى

1985 لە بەسڕە لەدایکبووە.
بەکالۆریۆس لە یاسا.
ئەفسەر لە حەشدى شەعبى.
بەربژێرى هاوپەیمانیی سادیقوون.
2026-10-15 بە وەزیرى کاروکاروبارى کۆمەڵایەتى هەڵبژێردرا.

قوتەیبە غازى مەجید

1979 لەدایکبووە.
دکتۆرا لە ئەندازیاریى شارستانى.
جێگرى سەرۆکى سندووقى ئاوەدانکردنەوەى ناوچە زیانلێکەوتووەکان.
بەربژێرى هاوپەیمانیی عەزم.
2026-10-15 بە وەزیرى پلاندانان هەڵبژێردرا.