زەیدى دواى سەردانێکى چەند کاتژمێرى بۆ سعودیە گەڕایەوە بەغداد
رێبوار حەمەوەیس 1 کاتژمێر پێش ئێستا
پووختەى هەواڵەکە
- عەلى زەیدى، دواى سەردانێکى چەند کاتژمێرى بۆ سعودیە و کۆبوونەوەى لەگەڵ محەمەد بن سەلمان، شازادەى جێنشینى ئەو وڵاتە گەڕایەوە بەغداد.
- زەیدى لە سەردانەکەیدا بۆ سعودیە لەگەڵ محەممەد بن سەلمان کۆبووەوە.
- زەیدى و بن سەلمان تاوتوێى هەماهەنگییە ئەمنییەکانى نێوان هەردوو وڵاتیان کرد.
- زەیدى سەرکۆنەى هێرشەکانى سەر فڕۆکەخانەى مەلیک خالیدى لە ڕیاز کرد.
- زەیدى: ڕێگەنادەین لە عێراقەوە هێرشبکرێتە سەر وڵاتانى دراوسێ
لە چوارچێوەى سەردانەکانیدا بۆ وڵاتانى دراوسێ، عەلى زەیدى سەرۆکوەزیران سەردانى سعودیەى کرد.
ناوەڕۆکى کۆبوونەوەکە:
- گفتوگۆ کرا لە بارەى پەرەسەندنى ڕووداوەکانى ناوچەکە و هەماهەنگییەکان لە پێناو بەهێزکردنى ئاسایش و سەقامگیریی ناوچەکە.
- زەیدى سەرکۆنەى هێرشەکانى سەر فڕۆکەخانەى مەلیک خالیدى نێودەوڵەتیی لە ڕیاز و هەر زیانگەیاندنێک بە هاوڵاتییان و دامەزراوە مەدەنییەکان لە ململانێکاندا کرد.
- زەیدى: هەڵوێستى عێراق جێگیرە، بە ڕێگەنەدان بە بەکارهێنانى خاکى عێراق بۆ هەر دەستدرێژى و کارێک لە دژى ئاسایشى سعودیە و وڵاتانى ناوچەکە.
- پەرۆشى بۆ پابەندبوون بە بنەماکانى دراوسێیەتى باش و ڕێزگرتن لە سەروەریی عێراق و وڵاتانى دۆست دەربڕى.
- لە دیدارەکەدا، پەیوەندییەکانى هەردوو وڵات و ڕێگاکانى بەهێزکردنى خرایەڕوو.
- بە تایبەت بەهێزکردنى هەماهەنگى ئەمنى نێوان هەردوو وڵات بۆ مامەڵەکردن لەگەڵ هەر ئاڵنگارییەکى ئەمنیی هەرێمایەتی.
- جێنشینى سعودیە، پشتیوانیی وڵاتەکەى بۆ هەوڵەکانى حکومەتى عێراق لە پێناو بەهێزکردنى دیالۆگ و بەدیهێنانى سەقامگیری لە ناوچەکە دووپاتکردەوە.
ئەوە لە کاتێکدایە، بڕیاربوو عەلی زەیدی، لە 29ـى تەممووزى ڕابردوو سەردانی سعودیە بکات، بەڵام دواى هێرشى گرووپە چەکدارەکان بۆ سەر سعودیە و هێرشی هاوبەشی سعودیە و ئەمریکاوە بۆ سەر بارەگاکانی حەشدی شەعبی، سەردانەکە دواخرا.
چاوەڕوان دەکرێت، دواى سعودیە، زەیدى سەردانى ئوردن و کوەیت بکات، بەڵام هێشتا کاتى سەردانەکان دیارى نەکراوە.
زەیدى 23ـى تەممووز سەردانى تاران و 28ـى تەممووز سەردانى ئەنقەرەى کرد.
زانیاریی زیاتر بۆ تۆ
رێبوار حەمەوەیس
1 کاتژمێر پێش ئێستا