ئۆتۆمبێلی تێسلا ڕۆدستەری نوێ تواناى فڕین و بازدانى هەیە

پووختەى ڕاپۆرتەکە:

ئۆتۆمبێلی تێسلا ڕۆدستەری نوێ Tesla.Roadster بە هاوکاری کۆمپانیای SpaceX پەرەی پێدراوە.
پاش چەندین ساڵ دواکەوتن، تێسلا لە تێکساس بە فەرمی پەردەی لەسەر مۆدێلی کۆتایی ئەم داهێنانە لادا.
بە سێ مۆدێلی جیاواز دەخرێتەڕوو، تایبەتمەندییەکی خەیاڵی و سەرنجڕاکێشی هەیە.

ئۆتۆمبێلەکە توانای بازدان و فڕینی کورتخایەنى هەیە لە ڕێگەی بزوێنەری مووشەکیی گازە ساردەکان بۆ خۆدەربازکردن لە مەترسییەکی کتوپڕ و هەنوکەیی.

چۆن کار دەکات و چۆن مامەڵە لەگەڵ مەترسییەکان دەکات؟

تەکنیكی کارکردنی بازدان و فڕین:

ئۆتۆمبێلەکە بە 10 پاڵنەری تایبەت و تانکی هەوای پەستێوراو بە پەستانی زۆر بەرز Ultra.high.pressure.air.tanks بارکراوە.
ئەم پاڵنەرانە گازی زۆر پەستێوراو بە خێرایی دەردەکەن بەبێ سووتانی سووتەمەنی، ئەمەش هێزێکی ڕاستەوخۆ دەدات بە ئۆتۆمبێلەکە بۆ بازدان و جووڵەی ئەکرۆباتی لە هەوادا.

سیستمی پانکەی هەوامژین Suction.Fan.System:

ئەم تێسلایە سیستمێکی مژینی هەوای لەژێر ئۆتۆمبێلەکە داناوە کە هەوا بە توندی دەمژێت بۆ دروستکردنی هێزێکی داکێشانی گەورە Downforce کە دەگاتە 2G واتە هێزێک دوو هێندەی کێشی زەوییە.
ئەمەش وادەکات ئۆتۆمبێلەکە بە تەواوی بە زەوییەوە یان تەنانەت بە سەرەوخواریش بە سەقفی تونێلەکەدا بنووسێت پێش یان دوای بازدانەکە بۆ ماوەیەکی کەم.

چۆنێتی مامەڵەکردن لەگەڵ مەترسی و سەلامەتی:

لە کاتی نماییشە مەترسیدارەکاندا ئۆتۆمبێلەکە بەبێ شۆفێری مرۆیی و بەشێوەیەکی تەواو ئەلیکترۆنی و بەرنامەڕێژکراو کار دەکات.
کۆمپیوتەری ناوخۆیی ئۆتۆمبێلەکە لە چرکەیەکدا سەدان گۆڕانکاری و هاوسەنگی ورد لە هەوادا ڕێکدەخات بۆ دڵنیابوونەوە لە نیشتنەوەیەکی سەلامەت لەسەر چوار تایەکەی.

تایبەتمەندی فڕینی تەواو:

بە بەکارهێنانی ئەم تایبەتمەندیە لەو جۆرە تێسڵایە ئۆتۆمبێلەکە تەنیا دەبێت یەک کەسی تێدا بێت بۆ کەمکردنەوەی کێش و زیادکردنی باری تانکەکانی گاز.

مەترسی یاسایی و ڕێگەپێدانی ئەم ئۆتۆمبێلە:

بەهۆی بەکارهێنانی تەکنەلۆجیای فەزایی و تانکی هەوای پەستێوراو بە پەستانی زۆر بەرز، ئاژانسەکانی سەلامەتی ڕێگاوبان هێشتا ڕەزامەندی تەواویان لەسەر بەکارهێنانی لەسەر شەقامە گشتییەکان نەداوە، جارێ ئەم تایبەتمەندیە تەنیا بەداواکارى فەرمی لە کۆمپانیاکەوە دەفرۆشرێت دوای بەدەستهێنانی ڕەزامەندی حکومەت.

ئیلۆن مەسک ڕایگەیاند، بەرهەمهێنانی فەرمی ئەم ئۆتۆمبێلە لە ساڵی 2028 دەستپێدەکات.