پووختەى ڕاپۆرتەکە

• پەیامنێرى کەناڵ8 لەڕۆژهەڵاتى کوردستان چووەتە یەکێک لە باخ و ڕەزەکانى سەردەشت.
• ترێی یاقوتی سەردەشت ناوبانگی زۆری هەیە و خواستێکی زۆری لە سەرە.
• ساڵانە لە شاری سەردەشت 40 بۆ 50 هەزار تۆن ترێ بەرهەمدێت.

---

ترێ یاقوتییەکەی سەردەشتى ڕۆژهەڵاتى کوردستان پێگەیشتووە، وەرزی ڕنینەوەشی هاتوە.

---

ترێ یاقوتییەکەی سەردەشت

• لەگەڵ ئەوەی ناوەکەی خەسار نەکردووە، ناوبانگ و تامەکەی، تاوەکو ئەو سەری وڵات ڕۆیشتووە.
• ڕەزداران باشیى ترێکەیان بۆ گونجاوی و لە باریی کەشوهەوای ناوچەکە دەگێڕنەوە، دڵخۆشن بەرهەمەکەیان پلە یەکە.
• دەشڵێن، کەشوهەوای جیاوازی شوێنێک بۆ شوێنکی دیکە دەبێتەهۆی بەرهەمهێنانی ترێی بەتام و بۆن و ڕەنگ جیاواز.
• بەرهەمی ئەمساڵی ترێی سەردەشت بەراورد بە ساڵی پار%50  زیادیکردووە.
• ساڵانە نزیکەی 40 تاوەکو 50 هەزار تۆن بەرهەمی هەیە.

زۆربوونی بەرهەم و نەبوونی بازاڕێکی جێگیر و گونجاو بووەتە گرفتی گەورەی بەردەم جووتیاران و ڕەزدارانی شارەکە و داوا دەکەن لایەنی پەیوەندیدار ئاوڕی جددیان لێبدەنەوە.

ترێی یاقوتی زیاتر لە ناوچە گەرم و وشکەکانی ئێران بەرهەم دێت، پارێزگاکانی سیستان و بەلوچستان و فارس شان بە شانی کرماشان و ورمێ ساڵانە بەرهەمێکی زۆریان هەیە.

زانیاریی زیاتر بۆ تۆ

دووەمین فێستیڤاڵی ترێی ڕەشی میراوە بەڕێوەچوو