دووەمین فێستیڤاڵی ترێی ڕەشی میراوە بەڕێوەچوو

پووختەى ڕاپۆرتەکە

لە فێستیڤاڵەکە پێشانگەی تایبەت بە پیشەی دەستی و بەرهەمە کشتوکاڵییەکان کرایەوە.
ساڵانە زیاتر لە 40 هەزار تۆن ترێی ڕەش لە میراوە و سەردەشت بەرهەم دەهێنرێت.
سەرۆک شارەوانی میراوە: ئامانجی فێستیڤاڵە ڕاکێشانی گەشتیارە بۆ ناوچەکەمان.

بەشداربووانى فێستیڤاڵى ترێى ڕەشى میراوە لە پارێزگاى ورمێ و ناوچەکانى دیکەى ڕۆژهەڵاتى کوردستان، بە هەڵپەركێ و شادی و جوتیارانیش بە پێشکەشکردنی بەرهەمەکانیان فێستیڤاڵەکەیان جۆش و خرۆشتر کرد.

کردنەوەى پێشانگاى کارى دەستى لە فێستیڤاڵى ترێى ڕەشى میراوە

پێشانگەیەکی تایبەت بە پیشەی دەستی و بەرهەمە کشتوکاڵییەکانی شارەکە کرایەوە.
بەرپرسانی شارەکە: ئامانجیان ڕاکێشانی گەشتیار و دەرفەتی زیاترە بۆ ساغبوونەوەی بەرهەمی جوتیاران.
ترێی میراوە بە یاقوتی ڕەش ناسراوە لە ڕۆژهەڵاتى کوردستان و ئێران.
لە تام و کواڵیتی باش ناوبانگی هەیە و ڕەزەکانیشی زۆربەیان لەسەر زەوییە لێژەکان و بەرزاییەکان هەڵکەوتوون و بە شێوەی زەوی دێمین.
زیاتر لە سێ بۆ 3500 هێکتار زەوی ناوچەکە بۆ بەرهەمی ترێ تەرخان کراوە.
ساڵانە هەشت تاوەکو 10 تۆن لە هەر هێکتارێک بەرهەم دێت.
بەرهەمی ساڵانەی ترێ لە ناوچەکە زیاتر لە 40 هەزار تۆنە.
بەشداربوان: بەڕێوەچوونی ئەم جۆرە فێستیڤاڵە ڕۆڵێکی گرنگی دەبێت لە ناساندن زیاتری ترێی ناوچەکە لەڕووى گەشەپێدان و پەرەپێدانی کەرتی گەشتیاری و ئابووری پارێزگای ورمێ.

ئەوە لە کاتێکدایە، فێستیڤاڵی ترێی ڕەشی میراوە بۆ ماوەی دوو ڕۆژ بە بەشداری چین و توێژە جیاوازەکانی ورمێ و پارێزگاکانی دیکەی ڕۆژهەڵاتی کوردستان بەڕێوەچوو، کە هەم گەشتیاران کاتێکى خۆشیان بەسەربرد، هەمیش جوتیاران بەرهەمەکانیان ساغبووەوە.

زانیارى زیاتر بۆ تۆ

هەفتەبازاڕی تەزبیح لە مەهاباد بووەتە بەشێک لە مێژوو و کولتووری پارێزگای ورمێ

هاونیشتمانییەکی شاری مەهاباد 37 ساڵە سەرقاڵی کۆکردنەوەی بەردە دەگمەن و گرانبەهاکانە

هەفتە بازاڕی بۆکان بووەتە ناوەندێکی گەورەی بازرگانی پارێزگای ورمێی ڕۆژهەڵاتی کوردستان