بەکۆی دەنگی ئەندامانی پەرلەمان میهرداد ئەخلاقی بوو بە وەزیری بەرگریی ئێران
سامیا حەسەن 2 کاتژمێر پێش ئێستا
پووختەى هەواڵەکە
- پەرلەمان دەنگى بە میهرداد ئەخلاقی دا و بوو بە وەزیری بەرگریی ئێران.
- ئەخلاقی بە ئەندازیاری پەرەپێدانی پیشەسازیی موشەکیی ئێران دادەنرێت.
پێشتر میدیای ئێران بڵاویکردەوە، دەنگدان بەشێوەی ئۆنلاین دەبێت و بۆ یەکەمجارە لە مێژووی پەرلەمانی ئێران دا، دانیشتنی متمانەدان بە وەزیری نوێی بەرگری بەشێوەی ئۆنلاین و ئەلیکترۆنی بەڕێوەدەچێت.
دەستنیشانکردنى ئەخلاقى
- 5ـی ئەم مانگە مەسعود پزیشکیان، "میهرداد ئەخلاقی" وەک وەزیری نوێی بەرگریی ئێران دەستنیشان کرد.
- پزیشکیان ناوەکەی بەرز کردەوە بۆ پەرلەمانی وڵاتەکەی.
بەربژێرکردنی ئەخلاقی دوای ئەوە دێت کە وەزیری پێشووی بەرگری، عەزیز نەسیڕزادە، لە 28ـی شوباتی ئەمساڵ لە یەکەم ڕۆژی هێرشەکانی ئەمریکا و ئیسرائیل بۆ سەر وڵاتەکەی کوژرا، دواتریش وەزارەتەکە بە وەکالەت لەلایەن سەید مەجید ئیبن ڕەزاوە بەڕێوەدەبرا.
پێشترئەخلاقی ڕایگەیاندبوو، کە پلانەکانی لەسەر بنەمای خێراکردنی بەرهەمهێنانی چەک، پەرەپێدانی توانای مووشەکی و فڕۆکەی بێفڕۆکەوان، نوێکردنەوەی سیستمی بەرگریی ئاسمانیی وڵاتەکەی دەبێت.
دانیشتنەکەی ئەمڕۆی پەرلەمانی ئێران بە سەرۆکایەتیی محەممەد باقر قالیباف، سەرۆکی پەرلمانی ئێران بەڕێوەچوو.
پڕۆفایلى میهرداد ئەخلاقی کیتابچی
- ئەندازیاری پەرەپێدانی پیشەسازیی موشەکیی ئێرانە.
- سەرۆکی ڕێکخراوی پیشەسازیی ئاسمانی و فڕۆکەوانیی ئێران بووە.
- لە لیستی سزاکانی ئەمریکا و یەکێتیی ئەورووپادایە.
- 5ـى تشرینی یەکەمی ئەمساڵ سەرۆککۆماری ئێران بە وەزیری بەرگری دەستنیشانیکرد.
زانیاریی زیاتر بۆ تۆ
سامیا حەسەن
2 کاتژمێر پێش ئێستا