پووختەى هەواڵەکە

• جەهەپە 48 کەسی لە ڕیزەکانی دوورخستەوە.
• دوورخستنەوەی ئەندام و بەرپرسانی جەهەپە لەلایەن سەرکردایەتیی نوێوە بەردەوامە.

---

سەرکردایەتیی جەهەپە بە سەرۆکایەتیی کەمال کڵچدارئۆغڵو، کە بە بڕیاری دادگا بووەوە بە سەرۆک، بەردەوامە لە دوورخستنەوەی ئەو کەسانەی کە پێچەوانەی سیاسەتی ئێستای حیزبەکە سیاسەت دەکەن.

---

دوورخستنەوەى ئەوانەى کار بە دیسپلینى حیزب ناکەن

• ئەنجوومەنی باڵای دیسیپلینی جەهەپە بڕیاری کۆتایی لە بارەی دوورخستنەوەی 48 کەس دا.
• بەشێکیان کەسایەتیی دیارن و ئێستا پشتیوانیی لە پارتی نوێی ئۆزگور ئۆزەل دەکەن.

ڕۆژی 21ـی ئایاری ئەمساڵ، دادگا دۆسیەی جەهەپەی یەکلاکردەوە و بڕیاریدا ئۆزگور ئۆزەل لە سەرۆکایەتییکردنی پارتەکە دووربخاتەوە و کەمال کڵچدارئۆغڵو بکاتەوە بە سەرۆکی جەهەپە.

لەو کاتەوە جەهەپەی نوێ دەستی بە دوورخستنەوەی ئەو کەسانە کرد، پشتیوانییان لە ئۆزەل دەکرد و ئۆزەل و 90 پەرلەمانتاری جەهەپەش پارتەکەیان بەجێهێشت و لە 24ـی تەمموزی 2026، پارتی نوێیان دامەزراند.