پووختەى هەواڵەکە:

• شەپۆلی بارانبارینی بە خوڕ ئیستانبووڵى گرتەوە.
• زیانى گیانى و ماددى زۆرى لێکەوتەوە.
• بەشێک لە ڕێگەکان داخران، ژمارەیەکی زۆر ئۆتۆمبێل زیانیان پێگەیشت.

---

ماوەی چەند ڕۆژێکە شەپۆلێکی بارانبارینی بە خوڕ بەشێک لە پارێزگاکانی تورکیای گرتووەتەوە و زۆرترین بڕی بارانیش لە ئیستانبووڵ باریوە، کە زۆرترینە لە ماوەی 84 ساڵی ڕابردوودا باریبێت.

---

ئامارە فەرمییەکان بەهۆی دروستبوونی لافاو لە ئیستانبووڵ:

• تاوەکو ئێستا سێ کەس گیانیان لەدەستداوە و سێ کەسی دیکەش بریندارن.
• چوار کەس بێسەروشوێنن و تیمەکانی فریاکەوتن بەدوایاندا دەگەڕێن.
• مستەفا چیفتچی، وەزیری ناوخۆی تورکیا: دوو هەزار و 727 کەسمان بۆ شوێنی سەلامەت گواستووەتەوە، کە بەهۆی لافا و بارانەوە بێماڵ و حاڵ بوون.
• وەزارەتی پەروەردە: ئەمڕۆ و سبەی دەوامی خوێندن لە ئیستانبووڵ ڕادەگیرێت.
• ئاو چووەتە نێو ژمارەیەکی زۆر ماڵ و شوێنی ئیش.

کەشناسیی تورکیا:

لە ئیستانبووڵ لەسەر هەر مەترێکی چوارگۆشە، 272 کیلۆگرام باران باریوە، بارانی بەخوڕ دوو ڕۆژی دیکەش دەخایێنێت.

زانیاریى زیاتر بۆ تۆ:

باران و لافاو ئیستانبوڵی گرتەوە و داوا لە دانیشتووانەکەی دەکرێت لە ماڵەکانیان بمێننەوە