"شانۆیی کۆگای ژمارە 4"، لە نووسین و دەرهێنانی دێرین حامید و بە بەشداری ژمارەیەک ئەکتەر، بەم نزیکانە نمایشدەکرێت.
دێرین حامید، نووسەر و دەرهێنەری شانۆییەکە بە کەناڵ8ـی راگەیاند، شانۆیی کۆگای ژمارە 4 نوێترین کاری دەرهێناییەتی، کە ژمارەیەک لە ئەکتەر ڕۆڵی تێدا دەگێڕن لەوانە "تۆفیق ساڵح، زەریا سامی، بێساران جاسم، ژوان دارا و ژولیا حسێن".
ئاماژەی بەوەشکرد، ئەم کارە شانۆییە بەرهەمی ناوەندی شانۆی تاڤە و بە هاوکاری بەشی شانۆی بەڕێوەبەرایەتی گشتی ڕۆشنبیری و هونەر لە سلێمانی و پەیمانگەی هونەرە جوانەکانی سلێمانییە.
ئەو دەرهێنەرە باسی لەوەشکرد، پاش نزیکەی شەش مانگ لە پرۆڤە و خۆ ئامادەکردن، لە کۆتاییدا بە هاوکاری کۆمەڵێک لە ئەکتەر و شانۆکار و بەڕێوەبەرایەتی گشتی ڕۆشنبیری و هونەری سلێمانی و پەیمانگای هونەرە جوانەکانی سلێمانی، نزیک دەبنەوە لە نمایشکردن.
