پووختەی هەواڵەکە:

• زەیدی: پاڵپشتیی کەرتی کشتوکاڵ دەکەین

• زەیدی: پلانمان هەیە بۆ پەرەپێدانی گوندەکان

• دامەزراندنی سندوقی پەرەپێدان

---

سەرۆکوەزیرانی عێراق ڕایگەیاند، پلانیان هەیە پەرە بە گوندەکان بدەن و پشتیوانی کەرتی کشتوکاڵ بکەن، باسیش لە دامەزراندنی سندوقی پەرەپێدان دەکات.

---

پێشوازی لە ڕێکخەری نیشتەجێی نەتەوە یەکگرتووەکان لە عێراق

عەلی زەیدی، سەرۆکوەزیرانی عێراق پێشوازی لە پیتەر هۆکینز، ڕێکخەری نیشتەجێی نەتەوەیەکگرتووەکان لە عێراق کرد.

ڕاگەیێنراوی نووسینگەی سەرۆکوەزیران

• گفتوگۆکردن لەسەر هاوکاریی نیوان عێراق و نەتەوە یەکگرتووەکان

• بەهێزکردنی هاوبەشی نێوان هەردووولا لە بواری پەرەپێدان و ئابووری

• بەهێزکردنی دامەزراوەکان و پەرەپێدانی بواری ڕاوێژکاری

نووسینگەی ڕاگەیاندنی زەیدی لە ڕاگەیێنراوێکدا دەڵێت، لە دیدارکەدا گفتوگۆ لەسەر هاوکاریی نێوان عێراق و نەتەوەیەکگرتووەکان کراوە، لەگەڵ بەهێزکردنی هاوبەشی نێوانیان لە بوارەکانی پەرەپێدان و ئابووری.

ئاماژە بەوەشکراوە، زەیدی و هۆکینز باسیان لە هەوڵی نەتەوەیەکگرتووەکان کردووە بۆ پشتیوانی پڕۆگرامی پەرەپێدان و چاکسازی، بەهێزکردنی دامەزراوەکان و پەرەپێدانی بوارەکانی هاوکاریی هونەر و ڕاوێژکاری.

خستنەڕووی پلانی چاکسازی حکومەتی عێراق

سەرۆکوەزیرانی عێراق باسی لە پلانی چاکسازیی ئابووری حکومەتەکەی کرد و ڕایگەیاند، کار لەسەر پەرەپێدانی گوندەکان و پشتیوانی کەرتی کشتوکاڵ دەکەن، لەگەڵ پەرەپێدانی کەرتی تایبەت.

دامەزراندنی سندوقی پەرەپێدان

سەرۆکوەزیرانی عێراق ڕوونیکردەوە، ئاڕاستەیەک دروستبووە بۆ دامەزراندنی سندوقی پەرەپێدان، کە بەشدار دەبێت لە پارەدارکردنی پڕۆژەکانی کەرتی کشتوکاڵ و دامەزراندنی شاری پیشەسازی، سەرەڕای پڕۆژەکانی تەندروستی و پەروەردە.

جەختکردنەوە لە پەیوەندی و هەماهەنگی نێوان عێراق و نەتەوە یەکگرتووەکان

زەیدی جەختی لە پێویستی بەردەوامبوونی هەماهەنگی و هاوکاری نێوان عێراق و نەتەوەیەکگرتووەکان کرد، لەگەڵ سوودوەرگرتن لە شارەزایی و پڕۆگرامی پاڵپشتیی چاکسازی و وپەرەپێدان و بەهێزکردنی سەقامگیریی ئابووری و کۆمەڵایەتی.

پشتیوانی نەتەوە یەکگرتووەکان لە چاکسازی ئابووری

هۆکێنز پشتیوانیی نەتەوەیەکگرتووەکانی بۆ هەوڵەکانی حکومەتی عێراق لە بوارەکانی چاکسازیی ئابووری دووپاتکردەوە ، لەگەڵ پەرەپێدانی کەرتی تایبەت.

زانیاری زیاتر بۆ تۆ

نەتەوەیەکگرتووەکان: زیاتر لە 350 هەزار ئاوارە و پەنابەر لە هەرێمی کوردستان و عێراق دان

نەتەوە یەکگرتووەکان: عێراق بازدانێکی جۆری لە بەرەنگاربوونەوەی گەندەڵیدا ئەنجامداوە

دۆسییەى بەربژێرکردنى پێنج گوندی گەشتیاریى لە عێراق ڕەوانەی نەتەوەیەکگرتووەکان کرا