
زانیارییەک گەیشتووەتە کەناڵ8 کە ئاماژە بە گۆڕانکاریی لە کەشوهەوای ناوچەکە دەکات و دەستەی کەشناسی عێراق هۆشداری لە بارینی بارانی کتوپڕ و بەرزبوونەوەی تۆزوخۆڵ دەدات. لە چەند ڕۆژی داهاتوودا هەرێمی کوردستان و عێراق لەنێوان شەپۆلێکی گەرما و ئەگەری نمەباراندا دەبن، کە کاریگەری ڕاستەوخۆی لەسەر مەودای بینین دەبێت.
رۆژی شەممە ئاسمان لە ناوچە جیاجیاکان بەرەو نیوە هەور دەگۆڕێت و لە بەشەکانی هەرێمی کوردستان ئەگەری تاوەبارانی کەم هەیە. بەهۆی زیادبوونی خێرایی با لە ئاراستەی باشووری ڕۆژئاواوە، تۆزوخۆڵ دروست دەبێت و مەودای بینین بۆ 5 تاوەکو 7 کم کەم دەبێتەوە. بۆ ڕۆژی یەکشەممە، پێشبینی دەکرێت پلەکانی گەرما لە ناوەڕاست و باکووری عێراق چەند پلەیەک دابەزن، بەڵام لە ناوچەکانی باشوور گەرما وەک خۆی بە بەرزی دەمێنێتەوە.
کەشناسیی عێراق: پلەی گەرمای شەش پارێزگا دەگاتە 50 پلە
کەشناسیی هەرێمی کوردستان: پلەکانی گەرما یەک بۆ دوو پلە نزمدەبێتەوە