دەستەى دەستپاکى: هەڵمەتى گەورەتر لە عێراق بۆ دەستگیرکردنى تۆمەتبارانى گەندەڵى بەڕێوەیە
پووختەى هەواڵەکە
- سەرۆکى دەستەى دەستپاکیى هەرێمى کوردستان: لە عێراق هەڵمەتى گەورەتر بۆ دەستگیرکردنى گەندەڵکاران بەڕێوەیە.
- دەستەى دەستپاکیى: هەڵمەتەکە تۆمەتبارانى گەندەڵى لە سەرجەم پێکهاتەکان دەگرێتەوە.
ئەحمەد ئەنوەر، سەرۆکى دەستەى دەستپاکى هەرێمى کوردستان، ڕایگەیاند، سەرۆکى دەستەى دەستپاکیى فیدراڵى لە کۆبوونەکانى چەند ڕۆژى ڕابردووى لە هەرێمى کوردستان گوتوویەتى، هەڵمەتى گەورەتر بۆ دەستگیرکردنى بەرپرسانى تۆمەتبارى گەندەڵى بەڕێوەیە.
هەڵمەتەکە فراوان دەبێت
- ئەم هەڵمەتە تۆمەتبارانى گەندەڵیی لە سەرجەم پێکهاتەکان دەگرێتەوە.
- چوارچێوەى هەماهەنگى گەورەترین هاوپەیمانییە لە عێراق، ئەگەر بەرپرسانى ئەو هاوپەیمانییە بگرێتەوە، کە شیعەن ئەوا تۆمەتبارانى دیکەش دەستگیر دەکرێن.
- گەڕى دووەمى دەستگیرکردنى تۆمەتبارانى گەندەڵى، بەرپرسى کوردیشى تێدایە و ئێستا لێکۆڵینەوەکان بەردەوامن، دواتر هەڵمەتەکە ئەنجامدەدرێت.
ئەحمەد ئەنوەر، باس لەوەشدەکات، دەستەکەیان توانایەکى مرۆیی کەمى لەبەردەستە و توانیویەتى ساڵانە هەزار بۆ هەزار و دۆسیە ڕەوانەى دادگاکان بکات، و دۆخى هەرێمى کوردستان لە عێراق جیاوازە و لێرە هەر بەرپرسێک پێویست بووبێت، بە ئاگادارکردنەوە یان تەلەفۆنێک چووەتە بەردەم دادوەر و پێویستى بە جوڵاندنى هێز نەبووە.
زانیارى زیاتر بۆ تۆ
سەرۆکی دەستەی دەستپاکی: هەبوونی بەرپرسی کورد لە لیستی گەندەڵکاراندا چاوەڕوانکراوە
سەرۆکى دەستەى دەستپاکى: گەندەڵى هەڕەشەیە لەسەر پرۆسەى حوکمڕانی لە هەرێمى کوردستان
دەستەى دەسپاکى: لەم هەفتەیەدا پەیماننامەى شەرەف بە لیستەکانى هەڵبژاردن واژۆ دەکەین
