پووختەی هەواڵەکە:

• پلەکانی گەرما لە ماوەی 48 کاتژمێری داهاتوودا تا 3 پلەی سیلیزی دادەبەزن.

• ئەمڕۆ ئاسمان ساماڵ دەبێت لەگەڵ بوونی تۆزێکی سووک و خێرایی با لەسەرخۆ دەبێت.

• بەرزترین پلەی گەرمای ئەمڕۆ لە گەرمیان 42 پلە و لە حاجی ئۆمەران 30 پلەیە.

• سبەی سێشەممە مەودای بینین باشتر دەبێت و دەگاتە 8 بۆ 10 کیلۆمەتر.

---

کەشوهەوای ناوچە جیاوازەکانی هەرێمی کوردستان لەبەردەم شەپۆلێکی دابەزینی بەردەوامی پلەکانی گەرمادایە؛ پێشبینییە فەرمییەکان ئاماژە بە شکانی تینی گەرما و نزمبوونەوەی چەند پلەیی دەدەن لە ماوەی 48 کاتژمێردا، هاوکات تۆزی سووکی بەرگەهەوا بەرەو ڕەوینەوە دەڕوات و مەودای بینین ئاسایی دەبێتەوە.

---

پێشبینییەکانی کەشوهەوای ئەمڕۆ دووشەممە 07-09-2026 بەمشێوەیە دەستنیشانکراون:

• ئاسمان ساماڵ و پەڵەهەور دەبێت لەگەڵ بوونی تۆزێکی سووک لە هەوادا.

• خێرایی با لەسەرخۆ بۆ مامناوەند دەبێت لە نێوان 10 بۆ 20 کیلۆمەتر لە کاتژمێرێکدا و ئاراستەکەی گۆڕاو دەبێت.

• مەودای بینین لە نێوان 6 بۆ 8 کیلۆمەتردا جێگیر دەبێت.

• دابەزینی پلەکانی گەرما بە 1 بۆ 2 پلەی سیلیزی بەراورد بە تۆمارەکانی دوێنێ.

• بەرزترین پلەکانی گەرمای پێشبینیکراو: گەرمیان 42، هەولێر، هەڵەبجە و چەمچەماڵ 40، دهۆک، زاخۆ و ئاکرێ 39، سلێمانی و پیرمام 38، و حاجی ئۆمەران 30 پلەی سیلیزی.

پلەکانی گەرمای سبەی:

بۆ ڕۆژی سێشەممە 08-09-2026 پلەکانی گەرما دابەزینی زیاتر تۆمار دەکەن و بە 2 بۆ 3 پلەی سیلیزی نزمتر دەبنەوە بەراورد بە ئەمڕۆ؛ ئاسمان بە ساماڵ و پەڵەهەور دەمێنێتەوە و ئاراستەی با لە نێوان باشووری ڕۆژئاوا بۆ باکووری ڕۆژئاوا بە خێرایی 10 بۆ 20 کیلۆمەتر لە کاتژمێرێکدا چالاک دەبێت، هاوکات مەودای بینین بۆ 8 تا 10 کیلۆمەتر باشتر دەبێت، بە جۆرێک بەرزترین پلەی گەرما لە گەرمیان دەگاتە 40 پلە، لە هەولێر و هەڵەبجە 38، دهۆک و زاخۆ 37، سلێمانی 36، و لە حاجی ئۆمەرانیش بۆ 27 پلەی سیلیزی دادەبەزێت.

زانیاری زیاتر بۆ تۆ:

کەشناسیی عێراق: سبەی لە هەرێمی کوردستان ئەگەری بارانبارین و هەورەبروسەکە هەیە

داهاتی ئاوی عێراق سێ هێندەی ساڵی ڕابردوو زیادی کردووە