وەزارەتی دارایی عێراق بڕیاری فەرمیی خەرجکردنی مووچەی مانگی ئابی فەرمانبەرانی هەرێمی کوردستانی دەرکرد

پەیامنێری کەناڵ8 لە بەغداد پشتڕاستیکردەوە کە بڕیاری خەرجکردنی مووچەکە ئەمڕۆ دەرچووە.

ڕەوانەکردنی پارەکە لە پاش تەواوبوونی وردبینیی هاوبەشی دیوانی چاودێریی دارایی فیدراڵ و هەرێم دێت.

تەواوبوونی ڕێکارە کارگێڕییەکان ڕێگە بۆ ناردنی تەمویلەکە بۆ سەر هەژماری بانکیی هەرێم خۆش دەکات.

زانیارییەک گەیشتووەتە کەناڵ8 کە وەزارەتی دارایی عێراق بە فەرمی بڕیاری خەرجکردنی مووچەی مانگی 8ـی فەرمانبەران و مووچەخۆرانی حکومەتی هەرێمی کوردستانی دەرکردووە. ئەم هەنگاوە دوای تەواوبوونی پرۆسەی وردبینی لە لیستەکان لە نێوان دیوانی چاودێریی دارایی فیدراڵ و هەرێم دێت و بەمەش ڕێکارە داراییەکان بۆ ناردنی شایستەکان کەوتنە قۆناغی جێبەجێکردنەوە.

بڕیاری وەزارەتی دارایی عێراق (زانیارییەکانی پەیامنێری کەناڵ8)

بەرزان، پەیامنێری کەناڵ8 لە بەغداد پشتڕاستیکردەوە کە ئەمڕۆ یەکشەممە 13ـی ئەیلوولی 2026 بڕیاری خەرجکردنی مووچەی مانگی ئاب دەرچووە.

بڕیاری خەرجکردنەکە سەرجەم فەرمانبەران و مووچەخۆرانی سەر بە دامودەزگاکانی حکومەتی هەرێمی کوردستان دەگرێتەوە.

ئەم بڕیارە دوایین هەنگاوی کارگێڕییە لە وەزارەتی دارایی فیدراڵ بۆ ئەوەی ڕێکارەکانی ناردنی پارەکە بۆ هەرێمی کوردستان دەستپێبکات.

ڕێکارە دارایی و کارگێڕییەکانی ناردنی مووچە

پرۆسەی ناردنی مووچە لە لایەن بەغدادەوە بە چەند قۆناغێکی کارگێڕی و داراییدا تێدەپەڕێت؛ مانگانە وەزارەتی دارایی هەرێمی کوردستان لیستی مووچەخۆران ڕەوانەی بەغداد دەکات، پاشان دیوانی چاودێریی دارایی فیدراڵی بە هەماهەنگی لەگەڵ دیوانی چاودێریی دارایی هەرێمی کوردستان وردبینی بۆ لیستەکان دەکەن و دوای تەواوبوونی وردبینییەکە و نەبوونی هیچ کێشەیەک، نووسراوی فەرمی دەدرێتە وەزارەتی دارایی عێراق بۆ ئەوەی فەرمانی خەرجکردنی پارەکە دەربکات.

زانیاریی زیاتر بۆ تۆ

زانیاریی کەناڵ8: سەرەتاى ئەم هەفتەیە تەمویلی مووچەى مانگى 8 ڕەوانە دەکرێت

شاندى هەرێمى کوردستان ئەنجامى سەردانەکەیان بۆ بەغداد خستەڕوو