پووختەى هەواڵەکە

• مینحەى زیندانییانى سیاسی لە بەغدادەوە گرفتى بۆ دروست بوو.
• بەغداد بەنیازە مینحەى تەنیا هەزار و 600 زیندانى سیاسی هاوتاى عێراق بکات.
• وەزارەتى دارایی عێراق ڕایگەیاندووە مینحەکەیان بارگرانى دارایی دروست دەکات.

---

بەهادین عەزیز، سەرۆکی کۆمکاری زیندانییانی سیاسیی کوردستان، بە کەناڵ8ـى ڕایگەیاند، داتاى 25 هەزار و 868 زیندانى سیاسی کە پشتڕاستکراوەن دۆسییەکانیان ڕەوانەى بەغداد کراوە لە بەشە بودجەى هەرێمى کوردستان ناویان هاتووە، بەڵام دارایی عێراق ڕایگەیاندووە، ئەمە بارگرانى دارایی بۆ بودجە دروست دەکات.

---

کۆمکاری زیندانییانی سیاسیی کوردستان

• لەناو ئەو داتایانەدا پێشتر پێنج هەزار و 216 زیندانى سیاسیی مینحەى مانگانەیان وەرگرتووە.
• ئێستاش تەنیا هەزار و 600 زیندانى سیاسیی لە حکومەتى هەرێمى کوردستان مینحە وەردەگرن کە بڕەکەى 744  ملیۆن دینارە.
• ئامانجى کۆمکاری زیندانییانی سیاسیی کوردستان ئەوەیە سەرجەم زیندانییانى سیاسی کە پێشتر دۆسییەکانیان دراوەتە دەستەى زیندانییانى سیاسیی عێراق مینحەیان بۆ دابین بکرێت.
• بەهادین عەزیز، گوتی "ئەگەر ئەندامانى کورد بە گشتى و لیژنەى دارایی بە تایبەتى فریامان نەکەون، بەغداد بەنیازە مینحەى تەنیا هەزار و 600 زیندانى سیاسی هاوتاى عێراق بکات".
• داواشى لە شاندى تەکنیکى دارایی کرد کە لە نووسینى ماددە و بڕگەکانى پشکى هەرێمى کوردستان لە پرۆژە بودجەى 2027 بەشدارن، بەرگرى لە ماف و شایستەى دارایی زیندانییانى سیاسی بکەن.
• لە عێراق 158 هەزار زیندانى سیاسیی مینحە وەردەگرن و بەسەر سێ پۆلدا دابەشکراون، کە پۆلى یەکەم 400 هەزار دینار، پۆلى دووەم 800 هەزار دینار و پۆلى سێیەم یەک ملیۆن و 200 هەزار دینار وەردەگرن.

ئەمە لە کاتێکدایە، شاندى وەزارەتى کاروباری شەهیدان و ئەنفالکراوان 27ـى حوزەیرانى ئەمساڵ چوونە بەغداد بۆ هاوتاکردن و گواستنەوەی دۆسیەی زیندانیکراو و گیراوانی سیاسیی هەرێمی کوردستان بۆ سەر دەزگای زیندانییە سیاسییەکانى عێراق.

زانیارى زیاتر بۆ تۆ

حکومەت مینحەى رزگاربووانى ئەنفال و زیندانیانى سیاسیى تاوتوێدەکات

مووچەى زیندانییانی سیاسی لەگەڵ عێراق هاوتا دەكرێت

تەمەنی خانەنشینبوونی زیندانییانی سیاسی درێژکرایەوە

ئەحمەد مام ڕەسوڵ: سەرۆککۆمار پاڵپشتى گواستنەوەى دۆسییەى زیندانیانى سیاسى هەرێم بۆ بەغداد دەکات

شاندی وەزارەتی شەهیدان دۆسیەی زیندانیانی سیاسی دەباتە بەغداد