ئەرسەلان زەیتوونی: بە وردە موو نیگار دەکێشێت و شیعری شاعیران دەنووسێت.
لەسەر گەڵای دارەکان وێنەی کەسایەتییەکان دەکێشێت
گەڵاى سادە دەگۆڕێت بۆ تابلۆیەکى پڕ لە جوانى.
هاوکارى کەناڵ8 لە ڕۆژهەڵاتى کوردستان خاتوو فەریدە وەسینی، سەردانى گەنجێکی شاری مەریوانی ڕۆژهەڵاتی کوردستانى کردووە، ئەویش ئەرسەلان زەیتوونی، گەنجێکی داهێنەر و خاوە بەهرەیەکی تایبەت و سەرسوڕهێنەرە توانیویەتی جیهانێکی نوێ لە هونەر بۆ خۆی دروست بکات.
ئەو تەنیا نیگارەکان لەسەر گەڵای درەختەکان ناکێشێت.
سەرتاشخانەیەکی تایبەتی هەیە.
لە ڕێگەی ئەو وردە مووانەی لە سەرتاشخانەکەی بەجێدەمێنێت، بە سەلیقە و وردیی خۆی هۆنراوە و وێنە لەسەر تابلۆکان دەخوڵقێنێت.
بۆ ئەرسەلان هەر گەڵایەک دەرگایەکی هونەر و هەر تاڵە.
موویەکیش دەرفەتێکە بۆ نیشاندانی بەهرە و داهێنانەکانی.
ئەو بەکارەکانی بەهرە سەرسوڕهێنەرەکانی خۆ دەسەلمێنێت.
ئەوەش دەسەلمێنێت جوانی بەرهەمەکان لە قەبارەدا نییە.
بەڵکو لە خەیاڵ و ئەندیشەی هونەرمەندەکەیە.
