مهكتهبی سیاسیی یهكێتیی نیشتمانیی كوردستان لە یادى 33 ساڵەى راپەڕیندا پەیامێک ئاڕاستەى كهسوكاری شههیدان و كۆمهڵانی خهڵكی كوردستان دەکات و دەڵێت: با ههڵبژاردنی داهاتوو بكهینه دهرفهتی زێڕین بۆ بوژاندنهوهی ئامانجهكانی راپهڕین.
مهكتهبی سیاسی یهكێتیی نیشتمانیی كوردستان، پەیامێکى لە بارەى یادی 33 ساڵهی راپهڕین بڵاوکردەوە و رایگەیاند، "یادی 33 ساڵهی راپهڕینی گهلهكهمان له ههموو كۆمهڵانی خهڵكی كوردستان پیرۆز بێت، به تایبهتی له كچان و كوڕانی كوردهواری كه له سایهی ئهزموونی خۆبهخۆ و دیموكراتی وڵاتهكهماندا پێگهییون و ئهمڕۆش دیمهنی ههره گهشی پرۆسهی سیاسی وڵاتهكهمان پێكدێنن".
لە بەشێکى پەیامەکەدا هاتووە، "له 5ی ئازاری دهروازهی راپهڕین، له ڕانیهوه، بۆ زهماوهندی ڕزگاری له سلێمانی و روخانی قهڵای ستهمی بهعس له ههولێری هۆلاكۆ بهزێن و دهۆكی رهنگین و خانهقینی بووكی گهرمسێر و تهواوی شار و شارۆچكهكانی تر تا نهورۆزی ڕزگاری كهركوكی قودسی كوردستان، ههڵمهتی راپهرین داستانێكی نیشتمانیی گهلهكهمان بوو به ڕابهرایهتی یهكێتیی نیشتمانیی كوردستان و جهماوهری خۆراگری بهعس بهزێن".
مهكتهبی سیاسی یهكێتیی نیشتمانیی كوردستان دەشڵێت: "ئهمڕۆ دوای زیاتر له سێ دهیه له راپهڕین و پرۆسهی سیاسیی كوردستان وا له حوزهیرانی ئهمساڵدا روومان له ههڵبژاردنی داهاتووی پهرلهمانی كوردستانه و دهرفهتێكی زێڕین هاتۆتهكایهوه تا به گیانی پڕ جۆشوخرۆشی سهرهتاكانی ڕاپهڕینی دێرینهوه و به دهنگدانی دیموكراتی له ههڵبژاردنێكی پاك و بێگهردا ئهزموونی خۆماڵیمان مشتوماڵ بكهینهوه".
جەخت لەوەشدەکاتەوە، "به بهشداری فراوان و كارای نهوه تازهكانی كوردهواری رێڕهوی حكومڕانیمان چاكتر و گهشهپێبدهین و ئهوهی ماوه له ئامانجه ستراتیژییهكانی راپهڕین بهدیبهێنین، به جۆرێك ههڵبژاردنی داهاتوو بكهینه دهرفهتی زێرین بۆ بوژاندنهوهی ئامانجهكانی راپهڕینی دێرین".