ئەمڕۆ دووشەممە 8ـی نیسان، کۆمیسیۆنى باڵاى هەڵبژاردنەکانى عێراق تیروپشک بۆ پێدانى ژمارە بە لیست، هاوپەیمانێتى و بەربژێرانى هەڵبژاردنى پەرلەمانى کوردستان دەکات.
محەمەد یونس، بەڕێوەبەرى راگەیاندنى کۆمیسیۆنى باڵاى هەڵبژاردنەکانى عێراق بە کەناڵ8ـی راگەیاند، ئەمڕۆ تیروپشک بۆ پێدانى ژمارە بە لیست، هاوپەیمانێتى و بەربژێرانى هەڵبژاردنى پەرلەمانى کوردستان دەکرێت و هیچ نیازێک بۆ دواخستنى نییە.
هەڵبژاردنى پەرلەمانى کوردستان کە بڕیارە 10ـی حوزەیرانى ئەمساڵ بەڕێوەبچێت، دوو هاوپەیمانى، 10 حیزب و 54 بەربژێرى سەربەخۆ ناوى خۆیان تۆمارکردووە.
کۆى بەربژێرەکانى هەڵبژاردنى پەرلەمانى کوردستان 886 کەسن و 609 بەربژێریان رەگەزی نێرن و 277 بەربژێرەکەی دیکەش رەگەزی مێن.