چەکدارانی حوسی لە یەمەن رایانگەیاند، هێزەکانی ئەمریکا و بەریتانیا لە ئاسمانەوە هێرشیان کردووەتەسەر پارێزگای تەعز.
کەناڵی تەلەفزیۆنی مەسیرە، کە نزیکە لە چەکدارانی حوسییەوە بڵاویکردووەتەوە، هێزەکانی ئەمریکا و بەریتانیا بە هاوبەشی و لە ئاسمانەوە هێرشیان کردووەتەسەر پارێزگای تەعز لە یەمەن.
روونیشکراوەتەوە، هێزەکانی ئەمریکا و بەریتانیا لەو هێرشەیاندا چەند شوێنێکیان لە تەعز کردووەتەئامانج، بەبێ ئەوەى ئاماژە بە زیانەکانى هێرشەکە بکرێت.
تەعز دەکەوێتە باشووری رۆژئاوای یەمەن و لەسەر لێوارەکانی دەریای سوور و گەرووی بابول مەندەبدایە، چەکدارانی حوسی لە یەمەن تاوەکو ئێستا لەو سنوورەوە ژمارەیەک هێرشیان کردووەتەسەر کەشتییە بازرگانییەکان لە دەریای سوور و گەرووی بابولمەندەب.