کەشناسیى هەرێمى کوردستان ئاشکرایکرد، دوانیوەڕۆى ئەمڕۆ لە سنوورى پارێزگاى سلێمانى و ئیدارەى راپەڕین، نمەباران دەبێت و هەورەتریشقەى لەگەڵدا دەبێت.
بەڕێوەبەرایەتى کەشناسى و بوومەلەرزەزانى هەرێمى کوردستان لە راگەیەندراوێکدا ئاماژەى بەوەکردووە، ئەمڕۆ دووشەممە ئاسمان ساماڵ و پەڵە هەور دەبێت، لە بەشێک لە سنووری پارێزگای سلێمانی و ئیدارەی راپەڕین ئاسمان بۆ نیمچە هەور دەگۆرێت، لەگەڵ کەمێک بارانبارین و هەورە تریشقە لەکاتەکانی نیوەڕۆ .
روونیشکراوەتەوە، خێراى با لەسەرخۆ بۆ مام ناوەند دەبێت و پلەکانی گەرما بەرز دەبێتەوە بەراورد بە تۆمارکراوەکانی دوێنێ .
لەبارەى کەشوهەواى سبەى سێشەممە باس لەوەکراوە، ئاسمان ساماڵ و پەڵە هەور دەبێت، ناوچە شاخاوییەکان نیمچە هەور دەبێت، هاوکات خێرایى با لەسەرخۆ بۆ مامناوەند دەبێت و پلەکانى گەرما بەراورد بە ئەمڕۆ بەرزدەبنەوە.
بەرزترین پلەکانی گەرمای پێشبینیکراو بە سیلیزی
هەولێر : 28
سلێمانی: 25
دهۆک: 28
زاخۆ: 28
هەڵەبجە: 27
کەرکوک: 30
سۆران: 27
حاجی ئۆمەران: 19
گەرمیان: 33
