ناوەندی چاپەمەنیی و رۆشنبیری کارۆ، مەراسیمێک بۆ ناساندن و بڵاوبوونەوەی دوو دیوانی ئیسماعیل محەمەد ساز دەکات.
عەتا مەحمود بەڕێوەبەری ناوەندی چاپەمەنی و ڕۆشنبیریی کارۆ، بە کەناڵ8ـی راگەیاند: ناوەندەکەمان مەراسیمێک بۆ بڵاوبوونەوە و ناساندنی دوو بەرهەمی شیعری ئیسماعیل محەمەد بەناوەکانی (زەمەنی جوانی نەماوە – چی تۆم لەبیر دەباتەوە؟) سازدەکات.
ئاماژەی بەوەشدا، لە مەراسیمەکەدا، هەردوو هونەرمەند (سەروەر قادر و کاروانی نەی) بە موزیک بەشدار دەبن، هونەرمەند و میدیاکار (حەمید بانەیی) مەراسیمەکە دەبات بەڕێوە، تێیدا شاعیر چەند دەقێکی خۆی دەخوێنێتەوە، لە پەراوێزی مەراسیمەکەشدا دوو کتێبەکە بڵاودەبێتەوە.
بڕیارە ڕۆژی چوارشەممە، 24ـی نیسانی 2024 کاتژمێر چواری پاشنیوەڕۆ، لە هۆڵی تەوار مەراسیمەکە بەڕێوەبچێت.
