ئاژانسی هەواڵی تەسنیمی ئێرانی بڵاویکردەوە، سوپای پاسداران نوێترین درۆنی بۆمبڕێژکراوی تاقیکردووەتەوە، کە هاوشێوەی درۆنی لنستی رووسیایە.
ئاماژە بەوەشکراوە، ئەو درۆنە بۆمبڕێژکراوە دەتوانێت بۆ ماوەی 30 تاوەکو 60 خولەک بفڕێت و تەقەمەنی بەبڕی سێ بۆ شەش کیلۆ هەڵبگرێت و لە دووریی 40 کیلۆمەتر لە ئامانجەکەی بدات.
بەگوێرەی تایبەتمەندییەکانی درۆنە رووسییەکە، ئەو درۆنە دەتوانێت زرێپۆشەکان، شوێنی کۆبوونەوەی هێزەکان و تەنانەت تۆپخانە و بەشی پشتیوانیی هێزی بەرامبەر بکاتە ئامانج.
گەرچی تاوەکو ئێستا ناوی ئەو درۆنەكە بە فەرمی رانەگەیەندراوە، بەڵام ئاماژە بەوەکراوە، کە دەبێتە چەکێکی کاریگەری هێزە زەمینیەکانی ئێران.
